"Aýyl" partiiasynyń, QR Parlament Májilisiniń Agrarlyq máseleler komitetiniń tóraǵasy Serik Egizbaev "Ýáde" jobasyna bergen suhbatynda aýyl sharýashylyǵy salasyndaǵy bylyqty áshkereledi, – dep habarlaidy Dalanews.kz.
Agrarlyq máseleler komitetiniń tóraǵasynyń sózinshe, qazir Aýyl sharýashylyǵy ministrliginde óte jaqsy komanda jumys istep jatyr.
"Aidarbek Seipiluly ózi basqaryp, Serik Maqashuly qoldap, biz otyryp, birlesken usynys daiyndadyq. Bizdiń agrarlyq komitette tórt partiianyń ókilderi bar: Halyqtyq partiia, Respýblika, Amanat jáne de Aýyl. Biz usynystar daiyndadyq. Men efirde ashyq aityp otyrmyn. Aidarbek Seipiluly myrza Prezidenttiń qabyldaýynda boldy. Sol kezde esińizde bolsa, ol bir statistikanyń máselesin kóterdi. Jalǵan statistikany. Memleket basshsysy ótirik statistikany kórgende tańǵalǵan.
Milliondaǵan tonna sút, milliondaǵan tonna kókónis, milliondaǵan tonna astyq, bári - ótirik. Joq. Jalǵan statistika úshin jazalaý degen usynyspen kelisemin", - dedi ol.
Serik Egizbaev jýyrda kartop jóninde Úkimettiń otyrysy ótkenin eske saldy. Sol kezde de osyndai jalǵan derekter anyqtalǵan.
"Júz ese kartop qoryn ótirik (jasaǵan - esk.). 20 tonna bar kartoptan 2000 tonna kartop jatyr dep jazǵan. "Kartoptyń baǵasy nege órship ketti?" dep Úkimette qaraldy. Búkil óńirde myńdaǵan tonna joq kartopty jazyp qoiǵan. Nege olai isteidi? Nege qoryqpaidy? Sebebi jalǵan statistika úshin jazaǵa tartylmaidy.
Bizdiń aramyzda kezinde iri sharýa qojalyqtaryn basqaryp kelgen áriptesterimiz (Májiliste - esk.) bar. "Aýdan ákimderi keledi de, ónimdilikti qosyp jaz, qosyp jaz" dep aitady deidi. "20 tsentner ónim alsa, 30 tsentner dep jaz" dep aitady deidi. Ókinishke qarai, ol áli kúnge deiin basylǵan joq.
Keshe ǵana osyny talqyladyq. Nege olai isteidi desek, onyń arǵy jaǵynda múdde tur eken. Mysaly soltústikte bir sharýashylyqty aitty, "ol ómir baqi ónimdilikti 10 tsentnerden asyrǵan joq" deidi. Biraq jylda "30, 40 tsentner aldym" dep jazady deidi. "Sosyn kóleńkeli importty Reseiden alyp keledi de, sony Qazaqstannyń astyǵy retinde satady" deidi. Bul - bizdiń ekonomikamyzǵa ziian. Reseidiń jerinen alyp kelip, ol úshin taǵy sýbsidiia alady. Ol úshin memleketten kómek alady. Ol tek bir mysal emes, ókinishke qarai, kóp", - dedi "Aýyl" partiiasynyń tóraǵasy.
