Mysyrda qaza tapqan Aqmaral Muqanovanyń jaqyndary deneni elge jetkizýge kómek surady, dep habarlaidy Dalanews.kz.
Aqmaral Muqanova 17 mamyrda qaza tapty. Ol Mysyrdaǵy demalysynan jalǵyz ulymen birge qaityp kele jatqan. Reiske otyrǵyzatyn ýaqytty kútken kezde áielge jarnama taqtasy qulap, saldarynan ol kóz jumdy.
Marqumnyń jaqyn dosy Venera Ysqaqova qazaqstandyqtarǵa ún qatty. Ol qaza tapqan áieldiń denesin Qazaqstanǵa jetkizýge járdem kórsetýdi suraidy. Venera Ysqaqovanyń aitýynsha, marqumnyń uly qazir Mysyrda.
"Aqmaraldyń denesin Qazaqstanǵa tasymaldaýǵa kómektesseńizder. Onyń uly Berik qazir Mysyrda jalǵyz. Ol nebári 22 jasta. Ol qandai kúide ekenin eshkim bilmeidi. Ol maǵan tek "anamnan aiyrylyp qaldym" dep jazdy. "Deneni 4-5 kúnnen keiin ǵana beredi" deidi. Isti Mysyr politsiiasy tergep jatyr. Berikke baspana berildi me, joq pa ony da bilmeimiz", - deidi marqumnyń qurbysy Venera Ysqaqova.
Aita keteiik, marqum – Qazaqstannyń ishki ister organdarynyń ardageri Aqmaral Muqanova.
Aqmaral Muqanova uzaq jyl boiy politsiiada qyzmet atqarǵan, zeinetke shyqqannan keiin Astanada turǵan.
