مىسىردا قازا تاپقان اقمارال مۇقانوۆانىڭ جاقىندارى دەنەنٸ ەلگە جەتكٸزۋگە كٶمەك سۇرادى, دەپ حابارلايدى Dalanews.kz.
اقمارال مۇقانوۆا 17 مامىردا قازا تاپتى. ول مىسىرداعى دەمالىسىنان جالعىز ۇلىمەن بٸرگە قايتىپ كەلە جاتقان. رەيسكە وتىرعىزاتىن ۋاقىتتى كٷتكەن كەزدە ەيەلگە جارناما تاقتاسى قۇلاپ, سالدارىنان ول كٶز جۇمدى.
مارقۇمنىڭ جاقىن دوسى ۆەنەرا ىسقاقوۆا قازاقستاندىقتارعا ٷن قاتتى. ول قازا تاپقان ەيەلدٸڭ دەنەسٸن قازاقستانعا جەتكٸزۋگە جەردەم كٶرسەتۋدٸ سۇرايدى. ۆەنەرا ىسقاقوۆانىڭ ايتۋىنشا, مارقۇمنىڭ ۇلى قازٸر مىسىردا.
"اقمارالدىڭ دەنەسٸن قازاقستانعا تاسىمالداۋعا كٶمەكتەسسەڭٸزدەر. ونىڭ ۇلى بەرٸك قازٸر مىسىردا جالعىز. ول نەبەرٸ 22 جاستا. ول قانداي كٷيدە ەكەنٸن ەشكٸم بٸلمەيدٸ. ول ماعان تەك "انامنان ايىرىلىپ قالدىم" دەپ جازدى. "دەنەنٸ 4-5 كٷننەن كەيٸن عانا بەرەدٸ" دەيدٸ. ٸستٸ مىسىر پوليتسيياسى تەرگەپ جاتىر. بەرٸككە باسپانا بەرٸلدٸ مە, جوق پا ونى دا بٸلمەيمٸز", - دەيدٸ مارقۇمنىڭ قۇربىسى ۆەنەرا ىسقاقوۆا.
ايتا كەتەيٸك, مارقۇم – قازاقستاننىڭ ٸشكٸ ٸستەر ورگاندارىنىڭ ارداگەرٸ اقمارال مۇقانوۆا.
اقمارال مۇقانوۆا ۇزاق جىل بويى پوليتسييادا قىزمەت اتقارعان, زەينەتكە شىققاننان كەيٸن استانادا تۇرعان.
