Sebebi Qyzylorda oblysy Raiymbek aýdanynyń ózinde barlyq jerdi tórt-aq adam bólip alǵan. «El qystaýdan jailaýǵa kóshe almaidy. Jolǵa deiin menshiktep alǵan», — deidi J.Áshimjan. Bul týraly Baq.kz habarlady.
Aita keteiik, osydan eki apta buryn Almaty oblysynda ótken komissiia otyrysynda osy máseleni ekonomist ǵalym, professor Kenjeǵali Saǵadiev te kóterdi.
«Ái, osy 1,3 mln. gektardy sattyq. Kimge sattyq? Kimder olar? Qansha jerleri bar? Olar ne istep jatyr? Qaida turady? Osy týraly bir aqparat bar ma? Joq pa? Eger osynyń barlyǵy durys bolsa, ary qarai satýǵa bolady. Al eger bunyń ishinde kóptegen burmalaýshylyqtar bolsa, onda jabylý qazan jabýly, jerdi satpai, eń kemi, maratoriidi 10 jylǵa uzartyp jiberý kerek»
— dedi K.Saǵadiev.
Komissiianyń búgingi otyrysynda aýyl sharýashylyǵy ministri ári Úkimet basshysynyń orynbasary Asqar Myrzahmetov osy saýalǵa jaýap berdi.
«Bul másele buǵan deiingi otyrystarda da kóterilgen. Al, endi, ol tizim (iri jer ielenýshileri – avt.) qazir mine tolyq anyqtalýǵa jaqyn. Biraq bul jerde bir másele bar. Biz endi zańdy da eskerýimiz qajet. Zańdy da qurmetteýimiz kerek. Zańdy aitylǵan, ol menshik iesiniń kelisimi bolsa, sonda ǵana ony jariialaýǵa bolady, iaǵni ol jerde belgili dárejede shekteý bar. Qazir biz sol jóninde kelisip jatyrmyz. Eger olardyń kelisimi bolǵan jaǵdaida ony jariialaýǵa bolady. Al eger kelisim bolmaǵan jaǵdaida zań jaǵynan belgili bir problemalar týyndaýy múmkin», — deidi A.Myrzahmetov.
Aita keteiik, búgingi otyrysty ashqan komissiia tóraǵasy Asqar Myrzahmetov buǵan deiin ótken keńester jaiynda aita kele: «Ótken joly da naqty sheshimderdi jasaýǵa qatysty biraq usynystar aitaldy. Sondyqtan búgingi otyrysta naqty sheshimderdi jasap, pátýaǵa keleiik degen usynys bar. Aýyl sharýashylyǵy ministrligi óz tarapynan tiisti sheshimderdi ázirlep qoidy», — dep atap kórsetti.
