سەبەبٸ قىزىلوردا وبلىسى رايىمبەك اۋدانىنىڭ ٶزٸندە بارلىق جەردٸ تٶرت-اق ادام بٶلٸپ العان. «ەل قىستاۋدان جايلاۋعا كٶشە المايدى. جولعا دەيٸن مەنشٸكتەپ العان», — دەيدٸ ج.ەشٸمجان. بۇل تۋرالى Baq.kz حابارلادى.
ايتا كەتەيٸك, وسىدان ەكٸ اپتا بۇرىن الماتى وبلىسىندا ٶتكەن كوميسسييا وتىرىسىندا وسى مەسەلەنٸ ەكونوميست عالىم, پروفەسسور كەنجەعالي ساعاديەۆ تە كٶتەردٸ.
«ەي, وسى 1,3 ملن. گەكتاردى ساتتىق. كٸمگە ساتتىق? كٸمدەر ولار? قانشا جەرلەرٸ بار? ولار نە ٸستەپ جاتىر? قايدا تۇرادى? وسى تۋرالى بٸر اقپارات بار ما? جوق پا? ەگەر وسىنىڭ بارلىعى دۇرىس بولسا, ارى قاراي ساتۋعا بولادى. ال ەگەر بۇنىڭ ٸشٸندە كٶپتەگەن بۇرمالاۋشىلىقتار بولسا, وندا جابىلۋ قازان جابۋلى, جەردٸ ساتپاي, ەڭ كەمٸ, ماراتورييدٸ 10 جىلعا ۇزارتىپ جٸبەرۋ كەرەك»
— دەدٸ ك.ساعاديەۆ.
كوميسسييانىڭ بٷگٸنگٸ وتىرىسىندا اۋىل شارۋاشىلىعى مينيسترٸ ەرٸ ٷكٸمەت باسشىسىنىڭ ورىنباسارى اسقار مىرزاحمەتوۆ وسى ساۋالعا جاۋاپ بەردٸ.
«بۇل مەسەلە بۇعان دەيٸنگٸ وتىرىستاردا دا كٶتەرٸلگەن. ال, ەندٸ, ول تٸزٸم (ٸرٸ جەر يەلەنۋشٸلەرٸ – اۆت.) قازٸر مٸنە تولىق انىقتالۋعا جاقىن. بٸراق بۇل جەردە بٸر مەسەلە بار. بٸز ەندٸ زاڭدى دا ەسكەرۋٸمٸز قاجەت. زاڭدى دا قۇرمەتتەۋٸمٸز كەرەك. زاڭدى ايتىلعان, ول مەنشٸك يەسٸنٸڭ كەلٸسٸمٸ بولسا, سوندا عانا ونى جارييالاۋعا بولادى, ياعني ول جەردە بەلگٸلٸ دەرەجەدە شەكتەۋ بار. قازٸر بٸز سول جٶنٸندە كەلٸسٸپ جاتىرمىز. ەگەر ولاردىڭ كەلٸسٸمٸ بولعان جاعدايدا ونى جارييالاۋعا بولادى. ال ەگەر كەلٸسٸم بولماعان جاعدايدا زاڭ جاعىنان بەلگٸلٸ بٸر پروبلەمالار تۋىنداۋى مٷمكٸن», — دەيدٸ ا.مىرزاحمەتوۆ.
ايتا كەتەيٸك, بٷگٸنگٸ وتىرىستى اشقان كوميسسييا تٶراعاسى اسقار مىرزاحمەتوۆ بۇعان دەيٸن ٶتكەن كەڭەستەر جايىندا ايتا كەلە: «ٶتكەن جولى دا ناقتى شەشٸمدەردٸ جاساۋعا قاتىستى بٸراق ۇسىنىستار ايتالدى. سوندىقتان بٷگٸنگٸ وتىرىستا ناقتى شەشٸمدەردٸ جاساپ, پەتۋاعا كەلەيٸك دەگەن ۇسىنىس بار. اۋىل شارۋاشىلىعى مينيسترلٸگٸ ٶز تاراپىنان تيٸستٸ شەشٸمدەردٸ ەزٸرلەپ قويدى», — دەپ اتاپ كٶرسەتتٸ.
