«Men ózim teledıdardy kóp qarap júrgenim joq. Jańa azamattardyń aıtýyna qaraǵanda, pikir jan-jaqqa jetpeıtin sıaqty halyqqa. Áı, mynaý ártúrli aıtylǵan ashyq pikirdiń keıbireýlerin jetkizý kerek qoı, Dáýren (Abaev – aqparat jáne baılanys mınıstri). Aıtý kerek, tapsyrma berý kerek. Sosyn men ózim qorqyp otyrǵanym, bir nárseni ýshyqtyryp almasaq eken deımin. Mynaý eki Muhtar (Taıjan men Shahanov – avt.), anaý Orazaly (Sábden – avt.), anaý jerde Januzaq (Ákim — avt) aıtyp jatyr. Men bilmeımin, sonshama adam túrmede jatyr ma? Ras pa, Muhtar? (Muhtar Taıjan: «Iá!» — dep jaýap berdi) Al, endi, úlken kisige jetkizip, osy istermen aınalysyp jatqan kisiler osyǵan jiti qarap, oıyn túbinen órt shyǵyp ketpesin. Bizge tynyshtyq kerek, baýyrlarym. Eli búlingen, tas-talqan bolyp jatqan jerlerdi kórip jatyrmyz ǵoı. Ol el ońbaıdy endi eshqashan. Qudaı saqtasyn! Mamyrajaı otyrǵan myna baıtaq Qazaqstan jerine búlik kelse, ol búlikti, ol órtti eshkim sóndire almaıdy. Onda biz osy kúnge zar bolamyz. Biz oǵan barmaýymyz qajet», — dedi M.Joldasbekov.
Ǵalym jerdi aýyl men qala halqyna taratý qajet degen pikirmen kelisip otyr. «Men oılaımyn, sonsha ne basymyzǵa kún týdy ózi? Osy jer qazaqtyń jeri ǵoı. Myna jigitter aıtyp jatyr ǵoı, qalada turatyndarǵa 10 sotyq jer berse, anaý aýylda turatyndarǵy 25 sotyq jer ózine berse. Myna qarapaıym halyq zańnan qorqyp turǵan joq, zańsyzdyqtan qorqyp otyr. Ábden zapy jep qalǵan, opyq jep qalǵan bular… Biledi kimniń alatynyn. Baıaǵy baıyǵandar alady, sosyn bılik basyndaǵylar degen sıaqty», — deıdi M.Joldasbekov.
Derekkóz: baq.kz
