Keńestiń tóraǵasy, QR Parlamenti Májilisiniń depýtaty Amanjol Áltai aldymen Q.A.Iasaýi atyndaǵy Halyqaralyq qazaq-túrik ýniversitetiniń Mádeniet saraiyndaǵy “Babadan qalǵan muralar” atty kórmeni aralady. Munan soń sapardyń negizgi bóligi bastaldy.
Kóshpeli otyrysqa óńirlik keńestiń músheleri, oblystyń ziialy qaýym jáne mádeniet ókilderi, etnomádeni birlestikterdiń tóraǵalary, belgili professorlar, ÚEU músheleri qatysty. Sonymen qatar, kórshiles Ózbekstan memleketinen kelgen arnaiy qonaqtar da boldy.
Kún tártibinde eki másele qaraldy. Áýelgisi partiianyń sailaýaldy baǵdarlamasyndaǵy mádeni jáne ziiatkerlik qoǵam, birtutas, uiymshyl ult jáne azamattyq qoǵamdy damytý máseleleri boiynsha tarmaqtardyń Túrkistan oblysynda júzege asyrylýy bolsa, ekinshisi Túrki halyqtarynyń mádeni-rýhani yqpaldastyǵy týraly oilar ortaǵa salyndy.
– Jumys josparǵa sáikes, oblystyq keńestiń 4 otyrysy ótkizildi. Jalpy esepti merzimde qoǵamdyq keńes tarapynan memlekettik mekemelermen basqa da uiymdarǵa 41 usynys berilip, onyń 90%-y oryndaldy. Depýtattyq saýal joldaýymnyń nátijesinde Shardara aýdanynda «Qazaq radiosy» men «Shalqar» radiosynyń, Jetisai men Maqtaaral aýdandarynda «Qazaq radiosy» jiiligin taratatyn radioqondyrǵy ornatyldy, – dedi Q.Jantóreeva.
Otyrys barysynda keńes músheleriniń usynys-pikirleri tyńdaldy. Bekjigit Serdáli kompozitorlardyń avtorlyq quqyǵy qorǵalyp, shyǵarmashyl tulǵalarǵa memlekettik stipendiia nemese grant qarastyrý týraly oiyn aitty. Al, Telman Beisen óńirdegi tarihi-mádeni muralar, jádigerler, eskertkishter men kieli oryndardy memlekettik qorǵaý tizimine alýǵa yqpal jasaityndai komissiia qurylsa degen tilegin jetkizdi. Abai Balajan kitap oqý mádenietin qalyptastyrý, balalardyń yntasyn oiatý úshin sharalar qabyldaný kerektigin alǵa tartty.
Túrkistan mýzykalyq drama teatrynyń direktory Álimhan Myrzahan da jaryssózde oi almasty. Qoldaýlardyń aiasynda 2022 jyly «Bórte» qoiylymy boiynsha óner salasyndaǵy tuńǵysh «UMAI» Ulttyq syilyǵynyń jeńimpazy atanǵanyn erekshe atap ótti. Degenmen ol memlekettik satylymnyń teatrlarǵa qoiylym qoiýǵa bir shama kedergi jasap jatqandyǵyna nazar salýdy surady.
Ózbek eliniń belgili horeografy, f.ǵ.d Hýlkar Hamraeva: «Ádiletti Qazaqstan 130 ult pen ulysty baýyryna basyp, onyń ishinde ózbek azamattaryna kórsetilip jatqan qoldaý degen uǵymǵa saiady» dedi. Rýhani-mádeni qarym-qatynasty nyǵaitýda «AMANAT» partiiasyna arqa súieitinin bildirip, syi-syiapatyn tartý etti.
Amanjol Dúisenbaiuly kóshpeli otyrystyń rýhani shaharda ótkizilýiniń mańyzdylyǵyn jiktei kele:
– Túrkistan – dala danyshpandarynyń izi qalǵan, túrki jurtynyń quty qonǵan, ǵylymymyz, bilimimiz jáne mádenietimizdiń qasterli qarashańyraǵy ári saiasi ortalyǵy. Búgin ziialy qaýym ókilderiniń aishyqty oilary tyńdadyq. Problemalardy ashyq aityldy. Biz jinaqtap, Ortalyq deńgeide sheshýge úlesimizdi qosamyz. Keńestiń basty maqsaty da osynda. Usynystaryńyzdy aldaǵy ýaqytta kóteremin. Óńirdi ári qarai damytýǵa kúsh salý bárimizdiń ortaq mindetimiz, – degen A.Áltai jiyndy qorytyndylady.
