Meksıka prezıdenti Klaýdıa Sheınbaýmǵa qarsy ótken narazylyq aksıasyna myńdaǵan adam qatysýda. Mıtıń kezinde bolǵan qaqtyǵystar saldarynan keminde 120 adam jaraqat aldy, dep habarlaıdy Dalanews.kz.
The Guardian habarlaýynsha, demonstrasıany bastapqyda «zýmer» urpaǵynyń ókilderi uıymdastyrǵan. Alaıda olardyń bastamasyn keıin egde býyn men opozısıalyq partıalar da qoldaǵan.
Mehıkonyń qaýipsizdik qyzmeti aksıa birneshe saǵat boıy beıbit ótkenin, alaıda betperde taǵyp jáne basyn búrkep alǵan belgisiz bir top arandatýdy bastaǵannan keıin jaǵdaı shıeleniskenin málimdedi.
Artynsha narazylar toby qorshaýlardy buzýǵa kirisip ketken. Al polısıa kóz jasaýratatyn gaz shashyp, órt sóndirgishter sý atqylaǵan.
The Guardian atap ótkendeı, Sheınbaým elde 2024 jyldyń qazanynan beri prezıdent qyzmetin atqaryp keledi jáne halyqtyń 70%-ynyń qoldaýyna ıe. Degenmen sońǵy ýaqytta elde bolǵan birqatar rezonansty kisi ólimderine baılanysty synǵa ushyrap júr.
