Áleýmettik jelilerde Qazaqstan azamattaryna million páterdi tegin berý josparlanyp otyrǵany týraly videorolik tarady. Alaida bul aqparat shyndyqqa sáikes kelmeidi. Bul týraly Jalǵan aqparatqa qarsy is-qimyl ortalyǵy málimdedi, dep habarlaidy dalanews.kz.
Ortalyqtyń málimetinshe, sońǵy ýaqytta joǵary laýazymdy tulǵalardyń sóilegen sózderinen alynǵan shynaiy beinekadrlar men daýystardy paidalaný arqyly jalǵan habarlamalar taratý faktileri jiilegen. Mundai tásil aqparatqa resmi sipat berip, qoǵamdy jańylystyrý maqsatynda qoldanylady.
Mamandardyń aitýynsha, mundai aqparattyq arandatýlar kóbine mańyzdy qoǵamdyq-saiasi oqiǵalardyń aldynda nemese olardy ótkizý kezeńinde belsendi taralady. Atap aitqanda, referendýmdar, sailaý naýqandary, Úkimet quramyn qalyptastyrý, memlekettik merekeler jáne qoǵam nazaryndaǵy ózge de mańyzdy oqiǵalar kezinde osyndai feikter jii kezdesedi.
Sońǵy mysaldardyń biri – qazaqstandyqtarǵa million tegin páter beriletini týraly aqparat. Ortalyq bul videoda burynnan qoldanylyp kele jatqan manipýliatsiialyq ádis paidalanylǵanyn atap ótti. Iaǵni, shynaiy beinejazbalar men kópshilikke tanys daýystar eshqashan aitylmaǵan málimdemelermen biriktirilip, jalǵan aqparat jasalǵan.
Jalǵan aqparatqa qarsy is-qimyl ortalyǵy azamattardy mundai habarlamalarǵa syni kózqaraspen qaraýǵa shaqyrdy. Kúmándi aqparatty kórgen jaǵdaida onyń resmi túrde jariialanǵanyn tekserip, beinejazbanyń tolyq nusqasyn nemese memlekettik organdardyń resmi aqparat kózderin paidalanǵan jón.
