Bul jıynnyń negizgi maqsaty – Jeltoqsan oqıǵasyn zertteýdi halyqaralyq saıasat, tarıh, fılosofıa, psıhologıa jáne t.b. ǵylymdarynyń aınalymyna engizip, álemdik ǵalymnyń zertteý sýbektisine aınaldyrý eken. Alys-jaqyn 8 shet elden, elimizdiń barlyq túkpirinen ǵalymdar men saıasatkerlerdiń shaqyrylyp otyrǵan sebebi sol.
Jıynǵa quttyqtaý sózder aıtqandardyń qatarynda Vengrıanyń Qazaqstandaǵy elshisi Andrash Baranı myrza bolyp, ol Qazaqtyń totalıtarızmge qarsy jeltoqsan kóterilisine 30 jyl tolsa, Vengrıanyń 1956 jylǵy tóńkerisine 60 jyl bolǵanyn atap ótti.
Qazaqtyń tuńǵysh-ǵaryshkeri Toqtar Áýbákirovtyń de quttyqtaý sózi oqyldy. Ol ózi jaqyn týysy qaıtys bolǵandyqtan jıynǵa kele almapty. Batyrdyń sózinde buryn aıtylmaǵan bir derek qylań berdi. 1987 jyly T.Áýbákirov Máskeýde turǵan eken. Onyń sol jyly jasaǵan erligi Batyr ataǵyna usynylyp, KSRO JK hatshysy T.Menteshashvılı Jarlyqqa qol qoıý úshin Gorbachevke aparsa, «Jeltoqsan» úshin halqymyzǵa ábden óshikken qaldybaı ony: «qazaqqa eshqashan da batyr ataǵy berilmeıdi» dep qolymen qaǵyp jiberipti. Tek, T.Áýbákirov partıalyq esepte turǵan Máskeý qalalyq partıa komıtetiniń birinshi hatshysy V.Grıshınniń tabandy túrde talap etýiniń arqasynda ǵana Toqtar aǵamyz Batyr ataǵyn alǵan kórinedi.
Sóıtip, sheneýnikter óz arasynda jat túgil jaqynyna isteı almaıtyn jaqsylyqty V.Grıshın qazaqqa jasaǵan eken…
Derekkóz: abai.kz
