Endi jańa MG avtokóligin bastapqy jarnasy 5%-dan bastap, 84 aiǵa deiingi merzimge jáne ai saiynǵy tólemi 90 057 teńgeden bastalatyn sharttarmen satyp alýǵa bolady. Qazaqstandyq Allur avtomobil kompaniiasynyń basqarýyndaǵy MG brendi sedandar men krossoverlerdi satyp alýdy qazaqstandyqtar úshin burynǵydan da qoljetimdi etý maqsatynda qarjylandyrý baǵdarlamalaryn jańartty, dep habarlaidy dalanews.kz.
Satyp alýshylarǵa «Taza paida: ikemdi tólem» baǵdarlamasy aiasynda qarjylandyrýdyń eki túri usynylady: sýbsidiialanǵan jáne standartty nesie baǵdarlamalary. Tańdalǵan modelge, jabdyqtalýyna jáne ai saiynǵy tólem mólsherine qarai ózińizge eń qolaily nusqany tańdaýǵa múmkindik bar.
Sýbsidiialanǵan nesie baǵdarlamasy arnaiy sharttarmen LUXE jiyntyǵyndaǵy avtokólikterdi satyp alǵysy keletin klientterge arnalǵan. Baǵdarlama boiynsha qarjylandyrý jyldyq tiimdi syiaqy mólsherlemesi (JTSM) 0,10%-dan bastap, bastapqy jarnasy 5%-dan jáne nesie merzimi 84 aiǵa deiin usynylady.
Baǵdarlama aiasynda qoljetimdi modelder:
- MG HS LUXE — aiyna 119 364 teńgeden;
- MG RX9 LUXE — aiyna 165 273 teńgeden.
Standartty nesie baǵdarlamasy MG brendiniń barlyq modeldik qataryna arnalǵan. Sharttary: bastapqy jarna 5%-dan, nesie merzimi 84 aiǵa deiin jáne JTSM 25,10%-dan bastalady.
Baǵdarlama aiasynda:
- MG 5 Comfort — aiyna 90 057 teńgeden;
- MG 5 Luxe — aiyna 96 069 teńgeden;
- MG ZS Comfort — aiyna 102 080 teńgeden;
- MG ZS Luxe — aiyna 114 104 teńgeden;
- MG HS Comfort — aiyna 132 139 teńgeden.
Budan bólek, klientter úshin jeke qarjylyq esepteý múmkindigi qarastyrylǵan. MG resmi dilerlik ortalyqtarynyń mamandary bastapqy jarna kólemine, nesie merzimine jáne qalaǵan ai saiynǵy tólem mólsherine qarai eń tiimdi sharttardy tańdaýǵa kómektesedi.
Qazaqstanda usynylǵan barlyq MG avtokólikteri bastapqy jabdyqtalýdyń ózinde qaýipsizdik pen jailylyqtyń zamanaýi júielerimen jabdyqtalǵan. Olardyń qatarynda qysqy paket, Apple CarPlay jáne Android Auto júielerin qoldaityn mýltimediialyq júie, PM2.5 salony súzgisi jáne júrgizýshige arnalǵan elektrondyq kómekshi júieler bar.
Sonymen qatar brendtiń barlyq modelderine negizgi toraptar men aspa júiesine 5 jyl nemese 150 000 shaqyrym júriske deiingi resmi kepildik beriledi.
Nesie sharttary boiynsha tolyq aqparat alyp, jeke esepteý júrgizý nemese test-draivqa jazylý úshin Qazaqstandaǵy barlyq resmi MG dilerlik ortalyqtaryna júginýge, brendtiń resmi saityna kirýge nemese 3388 qysqa nómirine habarlasýǵa bolady.
