Muqashqa da, Qojanǵa da ákeleri Almatyǵa jumys saparmen barǵanynda sý atatyn avtomat ákelip beripti. Ekeýi de ákeleriniń bul syılyǵyna ábden qýandy. Qýanyshtary qoınyna syımaı avtomattaryn moıyndaryna asynyp alyp atalarynyn úıine keldi. Birine-biri armansyz sý atysyp oınady. Nemerelerin kóp erkeletetin ata da, áje de olardyń oıynyn qyzyqtap otyra berdi. Úlken úıge bul úıdiń jıeni – Murat ta kelgen edi. Ol qabaǵyn túıip únsiz otyr. Bir kezde kózderi ýqalap  jylaı bastady. Atystaryn toqtatyp, eki batyr Muratqa qaraı jaqyndady.

– Nege jylaısyń, Murat? – dedi Muqash kádimgideı úlken kisi qusap. Murat endi daýystap jylaı bastady. Muqash jıen baýyrynyń kóńilin dál túsindi bilem

– Má, avtomat kerek bolsa, sen ala ǵoı. Basy bútin saǵan berdim. Men mektepte oqyp júrmin ǵoı. Maǵan avtomatpen oınaý durys emes te shyǵar. Sen oınaı ǵoı, – dedi. Murattyń júzine kýanysh sáýleleri kire bastady. Avtomatty qolyna alyp Qojanmen atysyp ketti.

Ekeýiniń oıynyna qyzyǵa qarap Muqash tur. Aǵasynyń ıyǵy túsip ketkenin baıqady bilem Kojan:

– Muqash, men bıyl mektepke baram. Myna avtomatpen sen oına. Sen úlkensiń ǵoı. Seniń ózińniń avtomatyn bolǵany jaqsy, – dep qolyndaǵy avtomatyn aǵasyna berdi.

Bulardyń oıyndaryn syrttaı baqylap otyrǵan áje ulyna burylyp:

– Úsheýin satyp alsań qaıtedi mynanyń. Budan bylaı esińde bolsyn, bir nárse balalarǵa satyp alsań, bárine jetetindeı qylyp al, – dedi. – Áıtpese, eshnárse satyp áperme balalarǵa. Bireýin qýantyp, ekinshisin muńaıtyp ápergen syılyǵyń bar bolsyn! – dedi.

– Aıtqanyńyz bolady, – dedi eki balanyn ákesi. Osy oqıǵany syrttaı baqylap turǵan ata nemereleriniń bir-birine degen meıirimine ishteı rıza bo- lyp:

– Osy bátshaǵarlardyń bári de ózime tartypty-aý, – dep qýandy.

Qýanysh Bazarhan