– Nazarbaevtyń kezekti ret kúzgi saiasi naýqan aldynda komandasymen kórinýi neni bildiredi?
– Bul – naqty saiasi signal! «Biz barmyz! Bizde osyndai ǵalamat meshit salatyndai qarjy bar! Bizdi qoldaityn qaltalylar jetkilikti!», – degen belgi.
Bizde saiasi tranzit áli de júrip jatyr. Jáne de bir qyzyq jaǵdai ornyqty: ózin oppozitsiia sanaityndar men eski Qazaqstandy, iaǵni elbasy men onyń biligin qaita ornyqtyrǵysy kelgen kertartpa kúshterdiń taktikalyq maqsat-múddeleri (iaǵni Toqaevty taǵynan taidyrý) bir-birine dóp kelip tur!
Bul ózi jalpy saiasatta da, Qazaqstannyń jańasha tarihynda da óte-móte sirek kezdesetin erekshe qubylys! Osy eki kúsh bir-birimen til tabysýynyń ózi el úshin orasan zor qaýip-qater dep sanaimyn!
Biraq, kim bilgen, qoidyń terisin jamylǵan qasqyrlar týraly áfsanany da esten shyǵarmaý kerek! Ózin demokrat atap, elge jaǵymdy urandardy jar salyp, saiasi alańǵa qaita shyǵatyn (nemese formaldy túrde basqalardy alǵa shyǵaryp, ózderi tasada qala turatyn) biýrokrattar men oligarhtar da erteńgi kúni bilik úshin talasýy ábden yqtimal!
– Elbasy týraly zań referendýmnan soń nege birden óz kúshin joimady?
Shyn máninde ol zańnyń kúshin referendýmnan keiin kelesi kúni-aq joia salýǵa bolar edi Biz zań turmaq, Konstitýtsiianyń ózin birneshe minótte ózgerte salatyn memleket emespiz be?!
Iaǵni, quqyqtyq mehanizm bar. Biraq ol qoldanylmady.
Menińshe, onyń úsh sebebi bar.
Birinshiden, elbasy áli de aramyzda júr. Onyń 2019 jyly Toqaevpen ne týraly ýaǵdalasqanyn ishimiz sezse de, naqty bilmeimiz. Bálkim, Toqaev sol kelisimniń qurbany bop otyrǵan shyǵar.
Ekinshiden, ózin «Jańa Qazaqstandyqpyz» dep atap júrgen biliktiń ózinde, sonyń ishinde, Toqaevtyń mańaiynda elbasynyń fanattary bar ekeni aitpasa da, túsinikti. Osy zańǵa qatysty olardyń bir ustanymy bar bolar.
Úshinshiden, qoǵamnyń ózi ázirshe beiqam, selqos. Halyq tarapynan elektoraldyq turǵyda rásimdelgen, bilik seskenetindei talap joq. Bir-birin jamandap, kúielep jatqan, ózin ǵana naǵyz oppozitsiia, al qalǵandaryn – jalǵan oppozitsiia sanaityndardyń ondai ispen tipti sharýasy joq. Bilik sony da paidalanyp otyr.
– Elbasy týraly zań kúshin joiǵan jaǵdaida Nazarbaevtyń mártebesi qandai bolýy múmkin?
– Kez kelgen órkenietti memlekette burynǵy prezidentterge qatysty arnaiy baptar bar. Ol zańdy dep sanaimyn. Óitkeni, bas bilikte otyryp, memlekettik múddeni basshylyqqa alyp, óte-móte qiyn sheshimder qabyldaýǵa májbúr árbir basshy eldegi ártúrli saiasi kúshtermen aitysady, tartysady.
Sol sebepti ol qyzmetinen ketken soń onyń dushpandary bas kóterýi múmkin. Solardyń kek alýynan belgili bir dárejede quqyqtyq kepildikter kerek.
Biraq ol basshy óz eline, memleketine qarsy sheshim shyǵarsa, jemqorlyqqa salynsa, saiasi qylmys jasasa, ondai kepildik óz kúshin joiýy kerek dep sanaimyn.
https://dalanews.kz/news/80459-assambleia-musheleri-zhanga-qazaqstanny
