Atalmysh is-shara 28-30 naýryz aralyǵynda Aqtóbe qalasyndaǵy № 55 mekteptiń bazasynda ótkizildi. Qazaqstan áskeri sporttyq klýbtar federatsiiasy, dene shynyqtyrý jáne sport komitetiniń uiymdastyrýymen ótkizilgen saiysqa Qazaqstannyń túkpir-túkpirinen 9 komanda qatysty. Ár komandanyń quramynda aldyn ala irikteý synynan ótken 5 qyzdan bar.
Olar eki týrdan turatyn: birinshisi - myltyqty tirep atý, ekinshisi - myltyqty erkin ustap, tiremei atý saiystarynan baqtalasqa tústi.
Shyǵys Qazaqstan oblysynyń namysyn Semei qalasyndaǵy Shákárim atyndaǵy úsh tilde oqytatyn kópbeiimdi-gimnaziianyń «Jas qyran» komandasy qorǵady. Komanda kapitany Bigalieva Nazerke jarysqa eki jyl qatarynan qatysyp, biikten kórinip keledi.
Máselen,
Nazerke byltyr «Mergen arý-2017» atansa, biyl batyr qyzymyz «Mergen arý-2018» esimin taǵy da qanjyǵasyna bailady.
Sharany uiymdastyrýdyń basty maqsaty — jastarǵa mádeni jáne áskeri-patriottyq tárbie berý júiesin qalyptastyrý, mektepterde qyzdar arasynda áskeri-qoldanbaly sport túrin damytýdy nasihattaý.
Osy tusta 44793 áskeri bóliminiń komandiri podpolkovnik K.T.Myrzaǵaliev pen áskeri qyzmetshilerdiń otbasy múshelerimen jumys jónindegi bólimniń jetekshisi D.K.Dosanbekova quttyqtap, mergen arýymyzǵa tek biiktiń shyńyn baǵyndyryp, Áliia apamyzdyń qaisarlyǵyn tiledi.
«Shyǵys» ÓQ baspasóz qyzmeti
