Qazirgi kezde ýnıversıtette 13 fakúltet qyzmet atqarady. Árqaısysynda joǵarǵy dárejedegi mamandandyrylǵan oqytýshylar men profesorler bilim berýde. Ár fakúltettiń ózindik orny men tarıhy bar, biri ekinshisiniń ornyn basa almaıdy jáne fakúltetterdiń túlep shyqqan túlekteri elimizdiń ár salasynda, shetelderde qaıtalanbas maman ıeleri bolyp qyzmet atqarady. Sonymen qatar negizgi fakúltetterden basqa daıyndyq fakúltetinde álemniń túkpir-túkpirinen jınalǵan shetel azamattary memlekettik tilimiz qazaq tilin ýırený ústinde. Olardyń aralarynda aýǵan azamattary, qytaılar, koreıler, túrikter jáne shetelderde turatyn ózimizdiń qandas baýyrlarymyz, ıaǵnı qazaqtar da bar. Osynyń esebinen biz stýdentter shetel azamattarymen tanysyp, basqa elderdiń mádenıetin tanyp bilip, olarǵa ózimizdiń elimizdi tanytamyz. Shyǵys tilderin ýırenip júrgen bizderge, bul keremet tájirıbe deýge bolady. Sebebi, olar bizge, biz olarǵa kómek kórsetemiz. Bul jaıt QazUÝ-niń keremet múmkindikteriniń biri bolyp esepteledi.
Mektep qabyrǵasyn «Altyn belgimen» bitirgenimde meniń aldymda úlken tańdaý turdy.Ol – mamandyq tańdaý. Demek,sol mamandyqty meńgerip shyǵatyn ýnıversıtetti tańdaý. Kóp tolǵanyp, kóp oılandym. Oılana kele QazUÝ-ǵa jetetin ýnıversıtet joq ekenine kózim jetti. Sodan men, shyǵystaný fakúlteti qytaıtaný kafedrasynyń grant ıegeri atandym. Qazirgi kezde qytaı tili men shyǵys elderiniń tarıhyn oqý ústindemin. Fakúltetimizdiń álemniń basqa ýnıversıtetterimen baılanysy óte jaqsy damyǵan. Fakúltet oqytýshylary men stýdentteri tildik jáne ǵylymı praktıkadan ótetin ýnıversıtetter Úndistanda, Qytaıda, Koreıada, Túrkıada, Egıpette bar.
Ýnıversıtettiń bilimi týraly barlyǵymyz habardar boldyq, endi ýnıversıtettiń stýdenttik ómiri jaıly aıtatyn sóz de az emes. QazUÝ qabyrǵasynda ártúrli uıymdar jumys isteıdi. Mysaly: «Stýdentter senaty», «Suńqar» uıymy, «Kómek» uıymy t.b.. Bul uıymdardyń árqaısysynyń ózindik jumysy men qyzmeti bar. Uıymdar stýdentter úshin oqýdan tys qoǵamdyq ómirge belsene aralasýyna yqpal tıgizedi.
Oqý jyly ishinde ýnıversıtetimizde ár túrli saıystar jáne keshter ótedi. Olardyń eń bastylary: «Ana tili arýy» men «Jigit sultany». Bul respýblıkalyq deńgeıdegi saıystar bolyp tabylady. Jalpy aıtatyn bolsaq, QazUÝ stýdentteriniń ómiri qyzyqqa toly da áserli. Ár stýdenttiń jadynda qalar máńgi estelikter desek qatelespeımiz.
Qorytyndylaı kele, osy Ál-Farabı atyndaǵy Qazaq Ulttyq ýnıversıtetiniń, shyǵystaný fakúltetiniń, qytaıtaný kafedrasynyń stýdenti bolǵanyma esh ókinbeımin, kerisinshe maqtan tutamyn.
Qaırat Aıdana, Shyǵystaný fakúltetiniń 3 kýrs stýdenti
Sharypqazy Nurtálip, Shyǵystaný fakúltetiniń oqytýshysy
