- Meniń keńes quramynan ketýimniń basty sebebi – ony áý bastan pálendei mańyzy bar keńes dep qabyldaǵan joqpyn. Ol is júzinde eshteńe sheshpeitin jai ǵana keńes edi. Sosyn men ulttyq keńestegi óz missiiamdy oryndadym. Ózim qoiǵan mindetterimniń bir bóligi sheshildi. Ary qarai ózderi sheshsin.
Ulttyq senim keńesine jańa adamdar kirdi, bul qalypty qubylys. Onyń ústine, meniń mitingter týraly zań jobasyna qatysty jeke ustanymdarym belgili.
Zań osy kúiinde qabyldansa – men keńes quramynda qalmaimyn dep birden aitqan bolatynmyn, – dedi Arman Shoraev.
Ol sondai-aq, keńesten shyǵý tártibi týraly aita ketti.
- Keńes quramynda kirgende de, odan shyqqanda da eshqandai aryz jazǵan joqpyn. Bul birneshe jylǵa beriletin mandat emes. Keńeste 40 adam bar, al kadrlardyń aýysyp otyrǵanyn durys nárse dep sanaimyn. Jarty jyl saiyn oǵan bireýler kirip, endi bireýler shyǵyp otyrýy tiis dep sanaimyn,– dedi Arman Shoraev.
Búgin Ulttyq qoǵamdyq senim keńesiniń quramyna jańa ókilderi qosyldy.
Atap aitqanda, Ulttyq keńeske belgili qoǵam qairatkeri, Qazaqstan Respýblikasy Parlamenti Májilisiniń depýtaty, Aýǵan soǵysy ardagerleri uiymdarynyń "Qazaqstan ardagerleri" qaýymdastyǵynyń tóraǵasy Baqytbek Smaǵul, belgili zańger, Eýropalyq quqyq jáne adam quqyqtary institýtynyń direktory Marat Bashimov, qoǵam qairatkeri, "Mazmundama" QB tóraǵasy Shyńǵys Muqan, Qazaqstannyń jańartylatyn energetika qaýymdastyǵynyń bas direktory Arman Qashqynbekov jáne "Talbesik" kópbalaly analar qozǵalysynyń jetekshisi, jýrnalist Lázzat Qojahmetova, zańger, "Izgilik elshisi" respýblikalyq erikteler qozǵalysynyń jetekshisi, zańger Ainur Sábitova kirdi.
Rotatsiia aiasynda Ulttyq keńestiń quramynan E.Ázimova, A.Sain, B.Palymbetov, A.Shoraev, B.Buqarbai, A.Ámirtaev shyǵaryldy.
Ulttyq qoǵamdyq senim keńesi 2019 jylǵa 12 maýsymda qurylyp, onyń alǵashqy otyrysy 2019 jylǵa 6 qyrkúiekte ótti. Ulttyq keńestiń quramyna ártúrli saiasi partiialardyń, qoǵamdyq birlestikterdiń, úkimettik emes uiymdardyń, BAQ ókilderi, belgili qoǵam qairatkerleri, jetekshi qazaqstandyq sarapshylar kiredi.
Ulttyq qoǵamdyq senim keńesiniń úshinshi otyrysy sáýir aiynda ótkiziledi.
