- مەنىڭ كەڭەس قۇرامىنان كەتۋىمنىڭ باستى سەبەبى – ونى ءاۋ باستان پالەندەي ماڭىزى بار كەڭەس دەپ قابىلداعان جوقپىن. ول ءىس جۇزىندە ەشتەڭە شەشپەيتىن جاي عانا كەڭەس ەدى. سوسىن مەن ۇلتتىق كەڭەستەگى ءوز ميسسيامدى ورىندادىم. ءوزىم قويعان مىندەتتەرىمنىڭ ءبىر بولىگى شەشىلدى. ارى قاراي وزدەرى شەشسىن.
ۇلتتىق سەنىم كەڭەسىنە جاڭا ادامدار كىردى، بۇل قالىپتى قۇبىلىس. ونىڭ ۇستىنە، مەنىڭ ميتينگتەر تۋرالى زاڭ جوباسىنا قاتىستى جەكە ۇستانىمدارىم بەلگىلى.
زاڭ وسى كۇيىندە قابىلدانسا – مەن كەڭەس قۇرامىندا قالمايمىن دەپ بىردەن ايتقان بولاتىنمىن، – دەدى ارمان شورايەۆ.
ول سونداي-اق، كەڭەستەن شىعۋ ءتارتىبى تۋرالى ايتا كەتتى.
- كەڭەس قۇرامىندا كىرگەندە دە، ودان شىققاندا دا ەشقانداي ارىز جازعان جوقپىن. بۇل بىرنەشە جىلعا بەرىلەتىن ماندات ەمەس. كەڭەستە 40 ادام بار، ال كادرلاردىڭ اۋىسىپ وتىرعانىن دۇرىس نارسە دەپ سانايمىن. جارتى جىل سايىن وعان بىرەۋلەر كىرىپ، ەندى بىرەۋلەر شىعىپ وتىرۋى ءتيىس دەپ سانايمىن،– دەدى ارمان شورايەۆ.
بۇگىن ۇلتتىق قوعامدىق سەنىم كەڭەسىنىڭ قۇرامىنا جاڭا وكىلدەرى قوسىلدى.
اتاپ ايتقاندا، ۇلتتىق كەڭەسكە بەلگىلى قوعام قايراتكەرى، قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، اۋعان سوعىسى ارداگەرلەرى ۇيىمدارىنىڭ "قازاقستان ارداگەرلەرى" قاۋىمداستىعىنىڭ ءتوراعاسى باقىتبەك سماعۇل، بەلگىلى زاڭگەر، ەۋروپالىق قۇقىق جانە ادام قۇقىقتارى ينستيتۋتىنىڭ ديرەكتورى مارات باشيموۆ، قوعام قايراتكەرى، "مازمۇنداما" قب ءتوراعاسى شىڭعىس مۇقان، قازاقستاننىڭ جاڭارتىلاتىن ەنەرگەتيكا قاۋىمداستىعىنىڭ باس ديرەكتورى ارمان قاشقىنبەكوۆ جانە "تالبەسىك" كوپبالالى انالار قوزعالىسىنىڭ جەتەكشىسى، جۋرناليست ءلاززات قوجاحمەتوۆا، زاڭگەر، "ىزگىلىك ەلشىسى" رەسپۋبليكالىق ەرىكتەلەر قوزعالىسىنىڭ جەتەكشىسى، زاڭگەر اينۇر ءسابيتوۆا كىردى.
روتاسيا اياسىندا ۇلتتىق كەڭەستىڭ قۇرامىنان ە.ءازىموۆا، ا.ساين، ب.پالىمبەتوۆ، ا.شورايەۆ، ب.بۇقارباي، ا.امىرتايەۆ شىعارىلدى.
ۇلتتىق قوعامدىق سەنىم كەڭەسى 2019 جىلعا 12 ماۋسىمدا قۇرىلىپ، ونىڭ العاشقى وتىرىسى 2019 جىلعا 6 قىركۇيەكتە ءوتتى. ۇلتتىق كەڭەستىڭ قۇرامىنا ءارتۇرلى ساياسي پارتيالاردىڭ، قوعامدىق بىرلەستىكتەردىڭ، ۇكىمەتتىك ەمەس ۇيىمداردىڭ، ب ا ق وكىلدەرى، بەلگىلى قوعام قايراتكەرلەرى، جەتەكشى قازاقستاندىق ساراپشىلار كىرەدى.
ۇلتتىق قوعامدىق سەنىم كەڭەسىنىڭ ءۇشىنشى وتىرىسى ءساۋىر ايىندا وتكىزىلەدى.
