Memlekettik qyzmettiń mártebesi bıik bolǵanymen júgi aýyr. Laýazymdy tulǵalarǵa qyzmettik etıkany saqtaýy, ádep standarttarynan aspaý, memlekettik qyzmet kórsetý deńgeıiniń joǵary bolýy jáne sybaılas jemqorlyqqa jol bermeýi zańdy turǵyda mindettelgen. Bul rette kil myqtylar ǵana atalǵan údeden shyǵady. Al, osy tektes jumystardy baqylaý ádep jónindegi ýákildiń tikeleı quziretine jatady.
Joǵaryda atalǵan talaptardy ornydalýyn qadaǵalaý barysynda Almaty oblysy boıynsha ádep jónindegi ýákilder 659 adamǵa jeke qabyldaý ótkizip, 1135 memlekettik qyzmetshige keńes bergen. Jalpy sany 1803 azamatqa konsýltatıvtik kómek kórsetilip, túsindirý jumysyn júrgizilipti. Jazbasha 34 hat qaralyp, ótinish ıelerine merziminde jaýap berilgen.
Odan bólek, 2020 jyly oblys boıynsha jergilikti atqarýshy organdar men olardyń qurylymdyq bólimderinde etıkalyq normalardy saqtaý jáne sybaılas jemqorlyqqa qarsy 241 semınar ótkizgen. Osyndaı qarymdy jumystyń arqasynda túsindirý jumystary men semınarlar óz jemisin bergenin atap aıtýǵa bolady. Oǵan aıqyn dálel, ádep jónindegi ýákilderdiń usynysymen 60 memlekettik qyzmetshi ujymda pozıtıvti ahýal jáne memlekettik mekemeniń oń ımıjin qalyptastyrýǵa yqpal etkeni úshin marapattalýy.
Sonymen qatar, esepti merzimde 2176 memlekettik qyzmetshi Qazaqstan Respýblıkasy Prezıdentiniń janyndaǵy Memlekettik qyzmet akademıasynyń Almaty oblystyq fılıalynyń qysqa merzimdi oqytý kýrstarynda biliktiligin arttyrǵandyǵyn atap ótken jón.
– Jergilikti memlekettik atqarýshy organdardyń ujym músheleri arasyndaǵy moraldyq-psıhologıalyq ahýaldyń jaı-kúıin monıtorıńteý maqsatynda anonımdik saýalnamaǵa jyl kóleminde 6779 azamat qamtyldy. Qorytyndysy boıynsha qyzmetkerlerdiń jáne qyzmetker men basshylardyń arasyndaǵy qarym-qatynas, senimdilik, ádep normalaryn saqtaý jaǵdaılary talqylanyp, mekeme basshylaryna qandaı máselege kóbirek kóńil aýdarý qajettigine naqty keńester berildi. Osy arqyly memlekettik qyzmetshilerdiń joǵary mádenıetin qalyptastyrýǵa jáne ujymdy ortaq maqsattarǵa jetýge biriktirý úshin jumys jalǵasýda, – dedi Almaty oblysy ákimi apparatynyń ádep jónindegi ýákili Ǵabıt Tursynbaı.
Aıta ketý kerek, Ádep jónindegi ýákilderdiń qyzmetin odan ári jetildirý boıynsha Memlekettik qyzmet isteri agenttiginiń «Rýhanı jańǵyrý» baǵdarlamasynyń «Ózgeristerdi ózińnen basta» kishi baǵdarlamasyn iske asyrý sheńberinde» 2021 jylǵa arnalǵan 23 tarmaqtan turatyn jumys jospary júzege asyrylýda.
Onda, Abaı Qunanbaıulynyń taǵylymyna baılanysty, «Paıda oılama, ar oıla» taqyrybynda dóńgelek ústel ótkizý, Memlekettik qyzmetshiniń týǵan ólke tarıhyn bilýge yqpal ete otyryp, rýhanı jáne mádenı turǵyda kemeldendirý kózdelgen.
Atalǵan is-sharalar, memlekettik qyzmetkerdiń eliniń aldynda adal bolýǵa úgitteıdi. Almaty oblysy ákimi apparatynyń ádep jónindegi ýákili Ǵabıt Tursynbaı, «memlekettik qyzmetshi ata-anasyna qalaı qyzmet etse, halqyna dál solaı qyzmet kórsetýi tıis»,-dep sózin túıindedi.
