Memqyzmetkerlerdiń jumys ýaqytynda meshitke barýyna, namaz oqýyna shekteý qoiylýy múmkin
Bul týraly QR Din isteri jáne azamattyq qoǵam ministri Nurlan Ermekbaev málim etti. Ministr habarlaǵandai, qazirgi ýaqytta dini qyzmet pen dini uiymdar týraly zańnamaǵa ózgerister men tolyqtyrýlar engizý týraly zań jobasynyń kontseptsiiasy ázirlenip jatyr. «Qysqasha toqtalsam, negizgi normalardyń ishinde kámelettik jasqa tolmaǵandardy dini qyzmetke tartýdyń, din salasyndaǵy zańdardy buzýdyń jaýapkershiligin arttyrý bar. Sonymen birge qoǵam tarapynan dini ádebietti kámelettik jasqa tolmaǵandarǵa satý, memlekettik qyzmetshilerdiń jumys ýaqytynda dini qyzmetke qatysýyna shekteý qoiýdy usynyp otyr», — dedi Ermekbaev ministrlikte ótken otyrysta.
Ministr atap ótkendei, birqatar ózgeris dini ádebietti taratý, dini saraptama júrgizýdi jetildirýge baǵyttalǵan. Budan bólek, zań jobasynda missionerlik qyzmetti jáne shetelde dini bilim alýdy retteý boiynsha da normalar qarastyrylǵan.
«Qoǵam usynyp otyrǵan barlyq bastamalar qoǵammen, sarapshylarmen talqylanatyn bolady. Zań jobasyn májiliske biylǵy jyldyń sońyna deiin engizýdi kózdep otyrmyz», — dep tolyqtyrdy Ermekbaev.
derekkózi ulykosh.kz
