مەمقىزمەتكەرلەردٸڭ جۇمىس ۋاقىتىندا مەشٸتكە بارۋىنا, ناماز وقۋىنا شەكتەۋ قويىلۋى مٷمكٸن
بۇل تۋرالى قر دٸن ٸستەرٸ جەنە ازاماتتىق قوعام مينيسترٸ نۇرلان ەرمەكباەۆ مەلٸم ەتتٸ. مينيستر حابارلاعانداي, قازٸرگٸ ۋاقىتتا دٸني قىزمەت پەن دٸني ۇيىمدار تۋرالى زاڭناماعا ٶزگەرٸستەر مەن تولىقتىرۋلار ەنگٸزۋ تۋرالى زاڭ جوباسىنىڭ كونتسەپتسيياسى ەزٸرلەنٸپ جاتىر. «قىسقاشا توقتالسام, نەگٸزگٸ نورمالاردىڭ ٸشٸندە كەمەلەتتٸك جاسقا تولماعانداردى دٸني قىزمەتكە تارتۋدىڭ, دٸن سالاسىنداعى زاڭداردى بۇزۋدىڭ جاۋاپكەرشٸلٸگٸن ارتتىرۋ بار. سونىمەن بٸرگە قوعام تاراپىنان دٸني ەدەبيەتتٸ كەمەلەتتٸك جاسقا تولماعاندارعا ساتۋ, مەملەكەتتٸك قىزمەتشٸلەردٸڭ جۇمىس ۋاقىتىندا دٸني قىزمەتكە قاتىسۋىنا شەكتەۋ قويۋدى ۇسىنىپ وتىر», — دەدٸ ەرمەكباەۆ مينيسترلٸكتە ٶتكەن وتىرىستا.
مينيستر اتاپ ٶتكەندەي, بٸرقاتار ٶزگەرٸس دٸني ەدەبيەتتٸ تاراتۋ, دٸني ساراپتاما جٷرگٸزۋدٸ جەتٸلدٸرۋگە باعىتتالعان. بۇدان بٶلەك, زاڭ جوباسىندا ميسسيونەرلٸك قىزمەتتٸ جەنە شەتەلدە دٸني بٸلٸم الۋدى رەتتەۋ بويىنشا دا نورمالار قاراستىرىلعان.
«قوعام ۇسىنىپ وتىرعان بارلىق باستامالار قوعاممەن, ساراپشىلارمەن تالقىلاناتىن بولادى. زاڭ جوباسىن مەجٸلٸسكە بيىلعى جىلدىڭ سوڭىنا دەيٸن ەنگٸزۋدٸ كٶزدەپ وتىرمىز», — دەپ تولىقتىردى ەرمەكباەۆ.
دەرەككٶزٸ ulykosh.kz
