Búginde elimizdiń túkpir-túkpirinde tabysty júzege asyp jatqan «Jumyspen qamtýdyń jol kartasy – 2020» baǵdarlamasyn alyp qarasańyz, birinshi kezekte aýyl-aimaqtaǵy jastar osy jobanyń arqasynda jumyspen qamtylyp jatqanyn baiqaýǵa bolady. Budan basqa, jastar arasynda kásipkerlikti damytý baǵytynda qyrýar jumystar atqarylyp, bizneske ańsary aýǵan jastarǵa túrli jeńildetilgen nesieler berilip, tipti olardyń kásipkerlik salanyń qyry men syryn úirenýi úshin seminarlar men treningter uiymdastyrylyp jatqanyn atap aitýǵa bolady. Osylaisha, memleketimiz kez kelgen baǵdarlamanyń aiasynda jalyndy jastarǵa barynsha qoldaý kórsetip, qamqorlyq jasap keledi dep nyq senimmen aitýǵa bolady.
Osy rette QR Aqparat jáne qoǵamdyq damý vitse-ministri Ashat Oralov:
– Búginde álemdi apshysyna salyp qýyrǵan pandemiia barlyq eldiń áleýmettik-ekonomikalyq damýyna kóptegen ózgerister engizdi. Óz kezeginde Memleket basshysy Qasym-Jomart Toqaev osyndai qiyn kezeńde memlekettiń ósip-órkendeýin bir sátke de toqtatpaý úshin batyl sheshimder qabyldap, elimizdiń alǵa qadam basýyna bar kúsh-jigerin jumsaýda. Sonymen qatar memlekettik basqarý organdarynan osy baǵytta jumys isteýdi talap etip otyr. Osy rette Prezidentimiz elimizde adam kapitalyn damytýdy, sonyń ishinde óskeleń jas urpaqtyń qandai qiyn kezeń bolsa da sapaly bilim alýyna, ózderiniń arman-murattaryn iske asyrýyna basa kóńil bólip otyr. Sol sebepti jastardyń memlekettik saiasatyn júzege asyrý mańyzdy strategiialyq baǵyttardyń birine ainalyp otyr, – degen Ashat Oralov memleketimiz jastar saiasatyn damytýǵa airyqsha mán beretinin aitqan bolatyn.
Sońǵy ýaqyttary ǵylymmen ainalysqan jastarǵa memleket tarapynan airyqsha qoldaý kórsetilip keledi. Aitalyq, «Jastar jyly» aiasynda Qazaqstannyń ǵylymyn damytýǵa den qoiǵan jas ǵalymdarǵa Nur-Sultan men Almaty qalasynda baspana berilgenin aita ketýge bolady. Budan basqa, olardyń ǵylymi-zertteý jumystarymen alańsyz ainalysýy úshin Úkimet 3 mlrd teńge bólip, 169 jas osy grantqa qol jetkizip, ózderiniń ǵylymi jumystaryn damytýǵa múmkindik alǵanyn aita ketýimiz kerek.
Memleket erkin oily jastardy qoldaý baǵytyndaǵy jumystardy kúsheitken sátte elimizdegi jastar uiymy da maqsat údesinen shyǵa bilýde. Osy rette «Azamattyq bastamalardy qoldaý ortalyǵy» uiymy uzyn sany júzge jetetin jastardyń áleýmettik jobalaryna joǵary deńgeide baǵalap, olardyń qoǵamdyq belsendiliginiń damýyna barynsha qoldaý kórsetip otyr. Uiym jetekshisi Batima Mýkina jastardyń áleýmettik jobasyn júzege asyrýǵa eki milliard teńgege jýyq qarjy jumalǵanyn alǵa tartqan bolatyn.
Memleket basshysy Qasym-Jomart Toqaevtyń elimizde eriktilerdi yntalandyrýǵa baǵyttalǵan qoldaýy jastardyń qoǵamdyq sanasynyń jańǵyrýyna airyqsha yqpal etip, pandemiia kezinde olardyń azamattyq pozitsiiasy anyq baiqaldy dep aitýǵa bolady.
Mine, memlekettiń qoldaýynyń arqasynda jastarymyz ultjandy azamat retinde qalyptasyp kele jatqanyn baiqaýǵa bolady. Aldaǵy ýaqytta da bul baǵyttaǵy jumystar jalǵasyn taýyp, qazaq jastary osyndai qoldaý men qamqorlyqtyń arqasynda qoǵamdyq ómirimizden óz oryndaryn taýyp, elimizdi damytýǵa óz kúshterin jumsaityn bolady.
Tolqyn SADYROVA
