Úkimet Memlekettik Týdy paidalaný qaǵidalaryna ózgerister engizdi, dep habarlaidy dalanews.kz.
Jańa talapqa sáikes endi jeke jáne zańdy tulǵalarǵa Memlekettik Týdy turǵyn jáne turǵyn emes ǵimarattarǵa, sonyń ishinde balkondarǵa 45 gradýs buryshpen ilýge, sondai-aq, saltanatty is-sharalar kezinde paidalanýǵa resmi túrde ruqsat etildi.
Alaida Tý memlekettik standartqa sai bolýǵa, jyrtylmaǵan, kirlemegen, búlinbegen kúide qoldanylýǵa tiis. Sonymen qatar, ony jarnamada, kiim, tósek-oryn jabdyǵy, dastarhan, kilem jáne turmystyq maqsattaǵy ózge de zattar retinde paidalanýǵa tyiym salynady.
Sondai-aq, engizilgen ózgeristerge sáikes Memlekettik Týdyń beinesin sportshylardyń sporttyq kiimi men jabdyqtaryna ornalastyrýǵa da ruqsat berildi.
