Májilis depýtaty Murat Ábenov memlekettik telearnalarda qalyńdyqty alyp qashýdy nasihattaityn materialdardyń shyǵýyn synǵa aldy, dep habarlaidy Dalanews.kz.
“Jýyrda memlekettik arnalardyń birinen jigittiń: “eger kelisim bermeseń, seni alyp qashamyn” degen sózin estidim. Bul — áielderdiń quqyqtaryn óreskel buzýdy ashyq túrde nasihattaý. Memlekettik telearnada mundai dúnielerdiń efirge shyǵýy meni qatty qynjyltty”, — dedi depýtat.
Sondai-aq ol “dástúr” degen jeleýmen qyzdy kúshtep alyp qashý nemese erkinen tys úide ustaý qylmys ekenin atap ótti. Ábenovtyń sózinshe, mundai áreketke qatysy bar adamdardyń bári zań aldynda jaýap berýi kerek.
Eske salaiyq, 2025 jyldyń 16 qyrkúieginen bastap Qazaqstanda stalking úshin qylmystyq jaýapkershilik qarastyrylǵan jańa zań kúshine endi. Bul- elimizdegi quqyqtyq júiede úlken jańalyq jáne qoǵam úshin asa ózekti qadam.
qylmystyq kodekstiń 115-1- babyna sáikes, stalking jasaǵan adamǵa kelesi jazalar qarastyrylǵan:
- 200 ailyq eseptik kórsetkishke deiin (2025 jyly shamamen 786 400 teńge) aiyppul,
- 200 saǵatqa deiin qoǵamdyq jumystarǵa tartý,
- Nemese 50 táýlikke deiingi merzimge qamaý.
Bul túzetýler Prezident Qasym- Jomart Toqaevtyń bastamasymen qabyldanǵan qylmystyq zańnamany ońtailandyrýǵa baǵyttalǵan ózgeristerdiń bir bóligi. Buǵan deiin Qazaqstan zańnamasynda stalkingke arnaiy bap qarastyrylmaǵan edi. Endi mundai áreketter naqty sipattalyp, olarǵa qarsy naqty sharalar qabyldanatyn boldy.
