Qazaqstanda memlekettik rámizderdi qorlaǵany úshin ákimshilik te, qylmystyq ta jaýapkershilik qarastyrylǵan, dep habarlaidy dalanews.kz.
QR Qylmystyq kodeksiniń 372-babyna sáikes, memlekettik rámizderdi qorlaǵany úshin kinálilerge 300 AEK-ke deiin aiyppul salynýy múmkin. Sondai-aq 900 saǵattan astam qoǵamdyq jumysqa tartý, bas bostandyǵyn shekteý nemese eki jylǵa deiin bas bostandyǵynan aiyrý jazasy kózdelgen.
Sonymen qatar memlekettik rámizderdi paidalaný tártibin buzǵandarǵa da jaýapkershilik bar. Mundai jaǵdaida 50 AEK kóleminde aiyppul qarastyrylǵan. Eger quqyqbuzýshylyq bir jyl ishinde qaitalansa, aiyppul mólsheri 100 AEK-ke deiin ósedi.
Memlekettik rámizder – tý, eltańba jáne ánuran – zańmen erekshe qorǵalady jáne el táýelsizdigi men egemendiginiń mańyzdy atribýttary sanalady.
Aita keteiik, búgin, 4 maýsym – Qazaqstan Respýblikasynyń Memlekettik rámizder kúni.
