Memlekettik rámizder – ulttyq biregeiliktiń tiregi
1992 jyldyń 4 maýsymy Qazaqstannyń rámizderi bekitilgen kún bolyp tarihta qaldy. 2007 jylǵy 4 maýsymda Qazaqstannyń Prezidenti N.Á. Nazarbaevtyń qol qoiyp bekitken «Qazaqstan Respýblikasynyń memlekettik rámizderi týraly» Konstitýtsiialyq Zańy memlekettik rámizderimizdi paidalaný tártibin naqty belgilep berdi. Memleketimizdiń Eltańbasy qazaq tiline aýdarǵanda, ol «tańba», «belgi», tipti «mura» degen maǵyna beredi. Bul termin ejelgi túrki qaǵanaty (551-630 jyldar) kezinen qoldanyla bastaǵan. Qazaqstannyń qazirgi tańdaǵy eltańbasy úlken eńbektiń arqasynda, eki sáýletker Jandarbek Málibek pen Shota Ýálihanovtyń shyǵarmashylyq izdenisteriniń nátijesinde dúniege keldi.
Memlekettik rámizderge degen qurmet elimizdiń mańyzdy konstitýtsiialyq normalaryna sáikes júzege asyrylady. Qazaqstan Respýblikasy Prezidentiniń Jarlyǵynda «Qazaqstan Respýblikasynyń memlekettik rámizderi týraly» bylai delingen: «Elimizde turatyn Qazaqstan Respýblikasynyń azamattary jeke tulǵa retinde Qazaqstan Respýblikasynyń Týyn, Eltańbasyn, Ánuranyn mindetti túrde qurmetteýi kerek. Osy Jarlyqqa sáikes azamattardyń ony qurmetteýi úshin Qazaqstan Respýblikasynyń memlekettik rámizderin álemge áigileý jáne nasihattaý sharalar jiyntyǵy negizinde turaqty túrde júzege asyrsyn delingen.
Osyǵan orai, rámizder kúni qarsańynda Taldyqorǵan qalasynyń turǵyndary QR-nyń Memlekettik Eltańbasynyń avtory, «Qurmet» ordeniniń iegeri Jandarbek Málibekovpen kezdesý ótkizdi. Sharaǵa mádeniet qairatkerleri, eńbek ardagerleri men «Nur Otan» partiiasynyń ókilderi qatysty.
Alǵashqy sózdi «Nur Otan» partiiasy Almaty oblystyq filialy tóraǵasynyń birinshi orynbasary Ǵaliasqar Sarybaev aldy.
«Ulttyq rámizderimiz ulttyń biregeiligi men ulylyǵyn kórsetedi. Tý, Eltańba jáne Ánuran syndy ulttyń aishyqty tańbalarynyń qabyldanýy – dúniejúzinde Qazaqstan deitin memleket bar ekendiginiń kórinisi. Memlekettik rámizderdi qasterleý, qasietin bilý, ony júrekke toqý – otansúigishtiktiń belgisi. Elimizdiń jastary, óskeleń urpaq patriot bolsyn desek, olardyń boiyna jastaiynan osyndai uǵymdy sińirýimiz qajet», – dedi.
Memlekettik rámizder elimizdiń kópshilik azamattaryn otansúigishtikke tárbieleýde erekshe mańyzǵa ie. Osy maqsatta qazirgi tańda elimizdiń rámizderiniń máni men maǵynasyn jáne olardyń qoldanylýyn, sondai-aq memlekettiń qalyptasýyn túsindirý jumystary qazaqstandyq otansúigishtikti jáne azamattyq pozitsiiany nyǵaitý úrdisindegi birden-bir mańyzdy faktorǵa ainalýy kerek.
– «Qazaqtyń ózindik mádenieti, salt-dástúri joq, kóshpendiler» degen pikirdi joqqa shyǵarý maqsatynda, namysqa tyrysyp, qazaqtyń bar bolmysyn osy Eltańba arqyly dáleldegim keldi, – deidi Eltańba avtory.
– Memlekettik rámizder ulttyq biregeiliktiń qalyptasý tiregi jáne árbir memlekettiń damýynyń ajyramas bir bóligi bolyp tabylady. Eltańba – tolǵanystan týǵan dúnie. Qazaqtyń bar bolmysyn osy Eltańba arqyly dáleldegim keldi. 4 maýsym – Qazaqstan memleketiniń, halqynyń meiramy. Týdyń mártebesi árqashan biik bolsa eken, eldigimiz máńgi bolsa eken dep tileimin. Qazaqstanda qalyptasyp kele jatqan ulttyq tutastyq, bizdiń Ánuranymyz ben Eltańbamyzben birge jasasa alar asýy biik bolmaq, – degen jyly lebizin bildirdi Jandarbek Málibekov.
