Memlekettik qyzmette týystyq qatynasqa oryn joq
Úkimettiń zań jobalaý jumystarynyń 2020 jylǵa arnalǵan josparyn oryndaý maqsatynda Agenttik ázirlegen sybailas jemqorlyqqa qarsy is-qimyl máseleleri jónindegi zańǵa memleket basshysy 6 qazan kúni qol qoiǵan edi. Bas qujattaǵy 3 kodeks pen 10 zańǵa túzetýler engizildi.
Zań Memleket basshysynyń jedel-izdestirý qyzmetin nemese sotqa deiingi tergep-tekserýdi júzege asyratyn laýazymdy adamdardyń arandatýshylyq áreketteri úshin qatań jaýapkershilik belgileý týraly tapsyrmasyn iske asyrýǵa baǵyttalǵan.
Eń áýelgi zańdaǵy ózgeris, memlekettik qyzmetkerlerge syilyq berýge jáne atalǵan tulǵalarǵa syilyq alýǵa tyiym salynyp otyr.
Syilyq alýǵa tyiym salynǵan tulǵalar qataryna depýtattar, sýdialar, saiasi qyzmetshiler, «A» korpýsynyń memlekettik qyzmetshileri, kvazimemlekettik sektor basshylary jáne olardyń otbasy músheleri jatqyzylǵan.
Sonymen qatar, kvazimemlekettik sektor uiymdarynda korporativtik adaldyq standarttary men sybailas jemqorlyqqa qarsy zańnama normalaryn saqtaýǵa jaýapty sybailas jemqorlyqqa qarsy arnaiy qyzmetter institýtyn engizildi. Bul óz kezeginde jemqorlyq áreketteriniń aldyn alady deidi mamandar.
Budan bylai, zańdaǵy ózgeristerge sáikes memlekettik qyzmette týystyq qatynasqa oryn joq. Naqytlasaq, bir otbasynyń músheleri biri basshy, ekinshisi soǵan baǵynyshty qyzmetti atqara almaidy.
Endigide, jedel-izdestirý qyzmetin nemese sotqa deiingi tergep-tekserýdi júzege asyratyn laýazymdy adamdardyń quqyq buzýshylyqqa itermelegeni anyqtalsa, qylmystyq jaýapqa tartylady.
Aita keterligi sybailas jemqorlyqqa qarsy is-qimyl agenttigine kvazimemlekettik sektor sýbektilerinen reviziialar, salyqtyq jáne basqa da tekserýler, aýdit jáne baǵalaý júrgizýdi talap etý quqyǵy beriledi.
– Basqarmany baqylaýǵa alý, biýdjet qarajatyn tiimdi paidalanýdaǵy negizgi faktor bolyp tabylady. Memleketke tiesili qarjyny tiimsiz paidalaný qazynaǵa qol suǵýǵa alyp kelýi múmkin, – deidi Sybailas jemqorlyqqa qarsy is-qimyl Agenttiginiń Almaty oblysy boiynsha departamentiniń basshysy Ernar Maqajanov.
