Búgin QR Premer-Ministri Oljas Bektenovtiń tóraǵalyǵymen Zańsyz iemdenilgen aktivterdi memleketke qaitarý jónindegi komissiianyń kezekti otyrysy ótti, – dep habarlaidy Dalanews.kz.
Komissiia jalpy kólemi 40 mlrd teńgeden astam somaǵa zańsyz iemdenilgen aktivterdi memleketke erikti túrde qaitarý jónindegi kelisimderdi maquldady, onyń 38 mlrd teńgeden astamy – aqshalai qarajat, sondai-aq Astanadaǵy quny 2 mlrd teńge turatyn biznes-ortalyq. Qaitarylǵan qarajat áleýmettik maqsattarǵa, onyń ishinde sý tasqyny saldaryn joiýǵa baǵyttalady.
Buǵan qosa 7 mlrd teńge somasyna investitsiialyq kelisimderge qol qoiý maquldandy, onyń aiasynda «Zańsyz iemdenilgen aktivterdi memleketke qaitarý týraly» QR Zańy qoldanylatyn tulǵalar Astana jáne Shymkent qalalarynda eki infraqurylym nysanyn salady. Atalǵan jobalardy iske asyrý jumys oryndaryn qurýǵa múmkindik beredi jáne qosymsha salyq túsimderin qamtamasyz etedi.
– Aktivterdi qaitarý jumystary – bul Memleket basshysynyń áleýmettik ádilettilikti qalpyna keltirý jónindegi saiasatynyń tikelei iske asyrylýy. Barlyq qaitarylǵan qarajat Qazaqstan halqynyń igiligine jumsalady, – dep atap ótti Oljas Bektenov.
