Ázerbaijannan qylmystyq toptyń basshysy ekstraditsiialandy, - dep habarlaidy Dalanews.kz.
Bas prokýratýra jáne Qarjylyq monitoring agenttiginiń qyzmetkerleri Qazaqstannyń Syrtqy ister ministrliginiń kómegimen uiymdasqan qylmystyq topty qurǵany jáne onyń qyzmetine basshylyq etkeni úshin qylmystyq jaýapkershilikke tartý maqsatynda Ázerbaijannan Qazaqstan azamaty ekstraditsiialandy.
2016-2018 jyldary aralyǵynda kúdikti Qazaqstanǵa halyq tutynatyn taýarlardy kontrabandalyq jolmen ákelýmen ainalysqan, sondai-aq kedendik tólemder men salyqtardy tóleýden jaltarǵan qylmystyq topty tikelei basqardy. Osy qyzmettiń nátijesinde memleketke 4 milliard teńgeden astam shyǵyn keltirilgen.
Qylmys jasaǵannan keiin ol tergeýden jasyrynyp, halyqaralyq izdeýge jariialandy.
Keiin kúdikti Ázerbaijan aýmaǵynda ustaldy.
Ázerbaijan Respýblikasynyń Bas prokýratýrasymen Qazaqstan Respýblikasy Bas prokýratýrasynyń ony ustap berý týraly suraý salýy qanaǵattandyryldy.
Qazirgi ýaqytta ol Aqtaý qalasynyń tergeý izoliatoryna qamaldy.
Bul qylmysty jasaǵany úshin múlki tárkilenip, jeti jyldan on eki jylǵa deiingi merzimge bas bostandyǵynan aiyrý jazasy qarastyrylǵan.
Aita keteiik, 2019 jyldyń jeltoqsanynda Mańǵystaý oblysynyń soty osy uiymdasqan qylmystyq toptyń qyzmetine qatysy bar 12 adamdy túrli jazaǵa sottady.
