[caption id="attachment_11285" align="alignright" width="139"]
Poletaev[/caption]
Jıynnyń shymyldyǵyn túrgen saıasattanýshy Edýard Poletaev óz sózinde shilde aıynyń basynda Bashqurtstan astanasy Ýfa qalasynda SHYU jáne BRIKS samıti ótetinin tilge tıek etti.
Onyń aıtýynsha, Ýfadaǵy sharalar Qazaqstan úshin erekshe mańyzǵa ıe.
– Iá, Qazaqstan BRIKS-ke múshe emes. Degenmen bul uıymǵa erekshe mán berýimiz kerek. Nege deseńizder, dál osy uıymǵa birikken memleketterde Jer shary halqynyń 40 paıyzy turady jáne ekonomıkasy turaqty. Sonymen birge buǵan bizdiń odaqtasymyz Reseı federasıasy múshe. BRIKS-ty qurýǵa bastamashy bolǵan da reseılikter bolatyn, – dedi ol óz sózinde.
[caption id="attachment_11286" align="alignleft" width="114"]
Sultanov[/caption]
Qazaq-nemis ýnıversıtetiniń janyndaǵy halyqaralyq jáne aımaqtyq áriptestik ınstıtýtynyń dırektory Bolat Sultanov óz sózinde AQSH-ty nysanaǵa aldy. Onyń aıtýynsha, 2001 jyldyń 11 qyrkúıeginen keıin AQSH terorızmge soǵys ashty. Osynyń kesirinen Aýǵanstan, Irak, Lıvıa, Sırıa sıaqty musylman elderi japa shekti.
– AQSH-tyń nazaryna aldymen ıslam elderi ilikti. Ekinshi kezektegi nysan, bular AQSH-tyń qos básekelesi – Reseı men Qytaı. Endeshe Qytaı men Reseıdiń SHYU, BRIKS sıaqty uıymdardy qurýǵa bastamashy bolǵany beker emes, – dedi ol.
Al «Almagest» konsaltıńilik kompanıasynyń dırektory Aıdarhan Qusaıynovtyń aıtýynsha, is júzinde Eýrazıalyq odaq, SHYU, BRIKS sıaqty uıymdardyń maqsaty bólek. Bulardyń ishinde tek Eýrazıalyq odaqty ǵana aımaqtyq iri ekonomıkalyq oıynshy retinde qarastyrýǵa bolady.
[caption id="attachment_11287" align="alignright" width="171"]
Shıbutov[/caption]
Saıasattanýshy Marat Shıbutov onyń sózimen kelisken joq.
– SHYU-da iri oıynshy. Onyń áýel bastaǵy qurylý maqsaty burynǵy Keńes respýblıkalary men Qytaıdyń arasyndaǵy shekarany anyqtaý bolatyn, – dedi ol.
Al jıyndy túıindegen saıasattanýshy Andreı Chebotarevtyń pikirinshe ázirgi kúni Eýrazıalyq odaq SHYU men BRIKS-ty basyp ozdy.
– Munyń sebebi odaq jumysyn alǵa jyljytatyn ultaralyq qurylymdar qurylǵan, –dedi ol.
