[caption id="attachment_11285" align="alignright" width="139"]
![Poletaev](/uploads/images/20240128164442503.jpg)
جيىننىڭ شىمىلدىعىن تۇرگەن ساياساتتانۋشى ەدۋارد پولەتايەۆ ءوز سوزىندە شىلدە ايىنىڭ باسىندا باشقۇرتستان استاناسى ۋفا قالاسىندا شىۇ جانە بريكس ءسامميتى وتەتىنىن تىلگە تيەك ەتتى.
ونىڭ ايتۋىنشا، ۋفاداعى شارالار قازاقستان ءۇشىن ەرەكشە ماڭىزعا يە.
– ءيا، قازاقستان بريكس-كە مۇشە ەمەس. دەگەنمەن بۇل ۇيىمعا ەرەكشە ءمان بەرۋىمىز كەرەك. نەگە دەسەڭىزدەر، ءدال وسى ۇيىمعا بىرىككەن مەملەكەتتەردە جەر شارى حالقىنىڭ 40 پايىزى تۇرادى جانە ەكونوميكاسى تۇراقتى. سونىمەن بىرگە بۇعان ءبىزدىڭ وداقتاسىمىز رەسەي فەدەراسياسى مۇشە. بريكس-تى قۇرۋعا باستاماشى بولعان دا رەسەيلىكتەر بولاتىن، – دەدى ول ءوز سوزىندە.
[caption id="attachment_11286" align="alignleft" width="114"]
![09-5_c416922d](/uploads/images/20240128164442856.jpg)
قازاق-نەمىس ۋنيۆەرسيتەتىنىڭ جانىنداعى حالىقارالىق جانە ايماقتىق ارىپتەستىك ينستيتۋتىنىڭ ديرەكتورى بولات سۇلتانوۆ ءوز سوزىندە اقش-تى نىساناعا الدى. ونىڭ ايتۋىنشا، 2001 جىلدىڭ 11 قىركۇيەگىنەن كەيىن اقش تەرروريزمگە سوعىس اشتى. وسىنىڭ كەسىرىنەن اۋعانستان، يراك، ليۆيا، سيريا سياقتى مۇسىلمان ەلدەرى جاپا شەكتى.
– اقش-تىڭ نازارىنا الدىمەن يسلام ەلدەرى ىلىكتى. ەكىنشى كەزەكتەگى نىسان، بۇلار اقش-تىڭ قوس باسەكەلەسى – رەسەي مەن جۇڭگو. ەندەشە جۇڭگو مەن رەسەيدىڭ شىۇ، بريكس سياقتى ۇيىمداردى قۇرۋعا باستاماشى بولعانى بەكەر ەمەس، – دەدى ول.
ال «الماگەست» كونسالتينگىلىك كومپانياسىنىڭ ديرەكتورى ايدارحان قۇسايىنوۆتىڭ ايتۋىنشا، ءىس جۇزىندە ەۋرازيالىق وداق، شىۇ، بريكس سياقتى ۇيىمداردىڭ ماقساتى بولەك. بۇلاردىڭ ىشىندە تەك ەۋرازيالىق وداقتى عانا ايماقتىق ءىرى ەكونوميكالىق ويىنشى رەتىندە قاراستىرۋعا بولادى.
[caption id="attachment_11287" align="alignright" width="171"]
![03-2_84a36116](/uploads/images/20240128164443286.jpg)
ساياساتتانۋشى مارات شيبۇتوۆ ونىڭ سوزىمەن كەلىسكەن جوق.
– شىۇ-دا ءىرى ويىنشى. ونىڭ اۋەل باستاعى قۇرىلۋ ماقساتى بۇرىنعى كەڭەس رەسپۋبليكالارى مەن قىتايدىڭ اراسىنداعى شەكارانى انىقتاۋ بولاتىن، – دەدى ول.
ال جيىندى تۇيىندەگەن ساياساتتانۋشى اندرەي چەبوتاريەۆتىڭ پىكىرىنشە ازىرگى كۇنى ەۋرازيالىق وداق شىۇ مەن بريكس-تى باسىپ وزدى.
– مۇنىڭ سەبەبى وداق جۇمىسىن العا جىلجىتاتىن ۇلتارالىق قۇرىلىمدار قۇرىلعان، –دەدى ول.