UQShU-nyń shaǵyn quramda ótken otyrysynda memleket basshylary halyqaralyq jáne óńirlik qaýipsizdiktiń ózekti máseleleri jóninde pikir almasty. Sondai-aq Qazaqstannyń tóraǵalyǵy aiasynda UQShU-nyń biylǵy qyzmeti qorytyndylanǵanyn jetkizdi, dep habarlaidy Dalanews.kz.
Qasym-Jomart Toqaevtyń aitýynsha, Qazaqstannyń UQShU-ǵa tóraǵalyǵy aiasynda Uiym jarǵysyna sai yntymaqtastyq baǵyttary boiynsha 60-qa jýyq is-shara uiymdastyrylǵan. Halyqaralyq arenada kelisilgen ustanymdardy ilgeriletý boiynsha seriktestermen birlese jumys júrgizildi.
Jiyn qorytyndysy boiynsha memleketter basshylary Ujymdyq qaýipsizdik keńesiniń deklaratsiiasyn qabyldap, birqatar qujatqa qol qoidy.
Tájik-aýǵan shekarasyn nyǵaitý jónindegi UQShU-nyń maqsatty memleketaralyq baǵdarlamasy bekitildi. Sonymen qatar prezidentter Uly Jeńistiń 80 jyldyǵyna bailanysty málimdeme qabyldap, kelesi jyly osy aitýly dataǵa orai uiymdastyrylatyn merekelik is-sharalardyń josparyn bekitti.
Astanada qabyldanǵan qujattar Uiym men ujymdyq qaýipsizdik júiesin barlyq múshe memleketterdiń múddesine sai keshendi túrde damytýǵa baǵyttalǵan.
