ۇقشۇ-نىڭ شاعىن قۇرامدا ٶتكەن وتىرىسىندا مەملەكەت باسشىلارى حالىقارالىق جەنە ٶڭٸرلٸك قاۋٸپسٸزدٸكتٸڭ ٶزەكتٸ مەسەلەلەرٸ جٶنٸندە پٸكٸر الماستى. سونداي-اق قازاقستاننىڭ تٶراعالىعى اياسىندا ۇقشۇ-نىڭ بيىلعى قىزمەتٸ قورىتىندىلانعانىن جەتكٸزدٸ, دەپ حابارلايدى Dalanews.kz.
قاسىم-جومارت توقاەۆتىڭ ايتۋىنشا, قازاقستاننىڭ ۇقشۇ-عا تٶراعالىعى اياسىندا ۇيىم جارعىسىنا ساي ىنتىماقتاستىق باعىتتارى بويىنشا 60-قا جۋىق ٸس-شارا ۇيىمداستىرىلعان. حالىقارالىق ارەنادا كەلٸسٸلگەن ۇستانىمداردى ٸلگەرٸلەتۋ بويىنشا سەرٸكتەستەرمەن بٸرلەسە جۇمىس جٷرگٸزٸلدٸ.
جيىن قورىتىندىسى بويىنشا مەملەكەتتەر باسشىلارى ۇجىمدىق قاۋٸپسٸزدٸك كەڭەسٸنٸڭ دەكلاراتسيياسىن قابىلداپ, بٸرقاتار قۇجاتقا قول قويدى.
تەجٸك-اۋعان شەكاراسىن نىعايتۋ جٶنٸندەگٸ ۇقشۇ-نىڭ ماقساتتى مەملەكەتارالىق باعدارلاماسى بەكٸتٸلدٸ. سونىمەن قاتار پرەزيدەنتتەر ۇلى جەڭٸستٸڭ 80 جىلدىعىنا بايلانىستى مەلٸمدەمە قابىلداپ, كەلەسٸ جىلى وسى ايتۋلى داتاعا وراي ۇيىمداستىرىلاتىن مەرەكەلٸك ٸس-شارالاردىڭ جوسپارىن بەكٸتتٸ.
استانادا قابىلدانعان قۇجاتتار ۇيىم مەن ۇجىمدىق قاۋٸپسٸزدٸك جٷيەسٸن بارلىق مٷشە مەملەكەتتەردٸڭ مٷددەسٸنە ساي كەشەندٸ تٷردە دامىتۋعا باعىتتالعان.
