Elimizdegi tótenshe jaǵdaidyń joiylýy týraly brifingte QR Premer-Ministriniń orynbasary Eraly Toǵjanov oqý jylynyń aiaqtalýyna qatysty josparlarmen bólisti, dep habarlaidy Dalanews.kz.
Negizinen, ol mektepterdegi sońǵy qońyraý bolatynyn aitty.
Adamdar sany shekteýli, ashyq aspan jaǵdaiynda mektepterde 3-4 maýsymda sońǵy qońyraý ótedi, - dedi Toǵjanov.
QR Bilim jáne ǵylym vitse-ministri Sholpan Karinova osyǵan qatysty jelide jazba jariialady.
"3-4 maýsymda 11 synyp túlekteri qolyna attestat tapsyrý týraly sheshim qabyldandy. Bul shara jyl saiyn maýsym aiynyń ortasynda ótkiziletin. Biyl túlekterge arnalǵan qorytyndy attestattsiialaý bolmaitynyn jáne UBT-ǵa daiyndyqty eskere otyryp, biz ony maýsymnyń basyna qarai jyljyttyq. Biylǵy saltanatty sharanyń ereksheligi - mereke aiasynda 11 synypty támamdaǵan túlekterge attestattar saltanatty túrde tapsyrylyp, sońǵy qońyraý soǵylady", - dep jazdy Karinova facebook-ta.
Sonymen birge bul is-shara mektepte, ashyq aspan aiasynda bóten qonaqtarsyz, 11 synyp túlekteriniń qatysýymen jáne sanitarlyq normalarǵa sáikes ótkizilýi kerek.
"Shara kezinde túlekterge mektep formasynda bolý usynyldy. Sonymen qatar, saltanatty sharadan soń 11-synypty bitirýshilerdiń aǵash otyrǵyzý sharasyn Ekologiia ministrligimen birlesip, uiymdastyrý josparlanýda. Keiinnen mundai aktsiiany ótkizý 25 mamyrǵa belgilenedi", - dedi ol.
