Qazaqstan mektepterine dene shynyqtyrý pánine júzý sabaqtaryn engizý josparlanyp otyr. Oqý-aǵartý ministrligi jańa pilottyq jobanyń qalai iske asatynyn túsindirdi, dep habarlaidy Dalanews.kz.
Oqý-aǵartý ministrligi sýda júzýdi úiretý boiynsha pilottyq jobany Astana men Almaty qalalarynda iske asyrý josparlanyp otyrǵanyn habarlady. Sabaqtar mektep basseinderi, jaqyn mańdaǵy sport keshenderinde de ótkiziledi. Árbir mektep úshin infraqurylym men logistika múmkindikteri eskerile otyryp jeke tártipte belgilenedi.
Ministrliktiń aitýynsha, alǵashqy kezeńde jańa basseinder salý josparlanbaidy. Mektepter qazirgi bar sport keshenderimen jumys isteidi.
Joba ázirleý kezeńinde tur. Barlyq máseleler tolyq pysyqtalǵannan keiin shamamen 2026 jyldyń qyrkúieginde bastalýy josparlanyp otyr.
Sabaqtarǵa tólem memleket biýdjetinen qarastyrylmaǵan. Joba Qazaq Aquatics sý sporty túrleri federatsiiasynyń qoldaýymen júzege asyrylady. Federatsiia óz moinyna mynalardy alady:
basseinderdi jalǵa alý;
qajetti qural-jabdyqtarmen qamtamasyz etý;
basseinder men sport uiymdarymen ózara árekettestikti úilestirý.
Árbir mektepte jobaǵa qatysý sharttary jeke tártipte kelisiledi.
