Oqý-aǵartý ministri Ǵani Beisembaev "mektepten keibir pánder alynyp tastala ma?" degen suraqqa jaýap berdi, - dep habarlaidy Dalanews.kz Qaz365.kz-ke siltep.
Qoǵamda ata-analar, kásibi pedagogtar ortasy da mektepte keibir pánder alynyp tastalýy kerek degen pikirdi aitady. Bul saýalǵa ministrdiń ózi jaýap berdi.
"Ata-analar artyq dep sanaidy eken dep, keibir pánder alynyp tastalmaidy. Birden aitaiyn. Qazir ǵalymdar, mamandar talqylap jatyr. Óitkeni jalpy balanyń negizgi álemdik naryqta básekege qabiletti bolyp qalyptasýy úshin balanyń jan-jaqty bilimdi bolýy mańyzdy. Sondyqtan bul jerde úlken ǵylymi kózqaraspen kelýi kerek dep esepteimin", - deidi Ǵani Beisembaev Májiliste.
Májilis depýtaty Juldyz Dosbergenqyzynyń aitýynsha, bilim standartyn qaita qaraý kerek.
"Qazirgi tańda joǵary synypta 16 pán oqytylady. Onyń ishinde 6 pánnen UBT, 5 pánnen mektepte emtihan tapsyrady. Kópshilik mektepte oqyǵan pánderdiń mazmuny UBT-da kezdespeidi dep aitady. Bul neni kórsetedi? Iaǵni standartty qaita qaraý kerek. Meniń oiymsha, bala oqyǵan bilimin ómirde qoldana alý qajet. Standart soǵan jaýap berý kerek", - dedi depýtat.
