وقۋ-اعارتۋ ءمينيسترى عاني بەيسەمبايەۆ "مەكتەپتەن كەيبىر پاندەر الىنىپ تاستالا ما؟" دەگەن سۇراققا جاۋاپ بەردى، - دەپ حابارلايدى Dalanews.kz Qaz365.kz-كە سىلتەپ.
قوعامدا اتا-انالار، كاسىبي پەداگوگتار ورتاسى دا مەكتەپتە كەيبىر پاندەر الىنىپ تاستالۋى كەرەك دەگەن پىكىردى ايتادى. بۇل ساۋالعا ءمينيستردىڭ ءوزى جاۋاپ بەردى.
"اتا-انالار ارتىق دەپ سانايدى ەكەن دەپ، كەيبىر پاندەر الىنىپ تاستالمايدى. بىردەن ايتايىن. ءقازىر عالىمدار، ماماندار تالقىلاپ جاتىر. ويتكەنى جالپى بالانىڭ نەگىزگى الەمدىك نارىقتا باسەكەگە قابىلەتتى بولىپ قالىپتاسۋى ءۇشىن بالانىڭ جان-جاقتى ءبىلىمدى بولۋى ماڭىزدى. سوندىقتان بۇل جەردە ۇلكەن عىلىمي كوزقاراسپەن كەلۋى كەرەك دەپ ەسەپتەيمىن"، - دەيدى عاني بەيسەمبايەۆ ماجىلىستە.
ءماجىلىس دەپۋتاتى جۇلدىز دوسبەرگەن قىزىنىڭ ايتۋىنشا، ءبىلىم ستاندارتىن قايتا قاراۋ كەرەك.
"قازىرگى تاڭدا جوعارى سىنىپتا 16 ءپان وقىتىلادى. ونىڭ ىشىندە 6 پاننەن ۇبت، 5 پاننەن مەكتەپتە ەمتيحان تاپسىرادى. كوپشىلىك مەكتەپتە وقىعان پاندەردىڭ مازمۇنى ۇبت-دا كەزدەسپەيدى دەپ ايتادى. بۇل نەنى كورسەتەدى؟ ياعني ستاندارتتى قايتا قاراۋ كەرەك. مەنىڭ ويىمشا، بالا وقىعان ءبىلىمىن ومىردە قولدانا الۋ قاجەت. ستاندارت سوعان جاۋاپ بەرۋ كەرەك"، - دەدى دەپۋتات.
