Sottyń baspasóz qyzmetiniń málimeti boiynsha Aina Bakeeva Ákimshilik kodekstiń 434-babynyń 1-bóligi boiynsha usaq buzaqylyq jasaǵany úshin kináli dep tanylyp, 10 táýlikke qamaýǵa alynǵan. Sheshimdi oryndaýdy sot Shymkent qalalyq politsiia departamentine júktedi.
Aita keteiik, budan buryn antivakser Nur-Sultan qalasynda balalarǵa jasyryn ekpe salynatyny jóninde habar taratqan. Bakeeva bastaǵan birneshe áiel mektepke ruqsatsyz kirip, túsirgen videolaryn jelide jariialaǵan edi. Beinejazba avtory ózin jýrnalistpin dep tanystyryp, al janyndaǵy seriginiń dáriger Aina Bakeeva ekenin aitady.
Sonymen qatar kadr syrtyndaǵy daýystan "balalarǵa ata-analarynyń ruqsatynsyz ekpe salynyp jatqanyn" estýge bolady.
Nur-Sultan qalasynyń bilim basqarmasy oqiǵanyń 5 qazan kúni №58 mektepte bolǵanyn rastaǵan.
Biraq, bilim ordasynda balalarǵa vaktsina salynady degen aqparat shyndyqqa sáikes kelmeitinin jetkizdi.
"Azamatsha Aina Bakeeva mektep aýmaǵynda janjal týǵyzdy. Bakeeva men onymen birge kelgen adamdardyń basty maqsaty - mektepterde balalardy mindetti túrde vaktsinatsiialaý júrgiziletini týraly áleýmettik jelilerde shý týdyrý bolǵan. Biz budan aldyn da birneshe ret mundai aqparattyń jalǵan ekenin aitqan bolatynbyz", - dedi bilim basqarmasy.
Al videodaǵy oqýshyǵa keletin bolsaq, departament balanyń úzilis kezinde ózin nashar sezingendigin aitty. Dene shynyqtyrý sabaǵynan keiin jasóspirimniń basy ainalyp, sol sebepti meditsinalyq pýnktke júgingen dep túsindirdi olar.
Mektep qyzmetkerleriniń aitýynsha, áielder bilim berý mekemesine aǵzada týberkýlez mikrobakteriiasyna antidenelerdiń bar-joǵyn anyqtaý úshin Mantý synamasyn tapsyrǵan úshinshi synyp oqýshylarynyń biriniń anasynyń nusqaýymen kelgen. Olar ózderin oqýshynyń ata-anasymyn dep tanystyryp, Ashyq mártebesin tekserý týraly ótinishti elemei, mektepke basa-kóktep kirip ketken.
Bilim basqarmasy mektepke kelip janjal týdyrǵan áielderdiń ústinen aryz jazǵan edi.
