Mańǵystaý oblysynyń ákimi qalalar men aýyldardy keshendi damytý jańa turǵyn aýdandarmen qosa qolaily áleýmettik infraqurylymdy — iaǵni balabaqshalar, mektepter, emhanalar, oiyn jáne sport alańdaryn da salýdy kózdeitinin atap ótti.
Nurlan Noǵaevtyń málimetinshe, 2023 jyly bilim berý júiesin qarjylandyrýǵa 209 mlrd teńge qarastyrylǵan, bul oblys biýdjetiniń 43% quraidy. Oblysta barlyǵy 188 jalpy bilim beretin mektep jumys isteidi, onyń ishinde 39-y – jekemenshik mektep. Sońǵy úsh jylda oqýshylar sany 25 myńǵa artty (2021-156 myń, 2022-175 myń, 2023-182 myń). Biyl 3 972 oryndyq 11 jekemenshik mektep ashyldy (Aqtaý – 6, Jańaózen – 2, Munaily – 3).
Ákimdik nusqaýy ári jetekshiligimen áleýmettik nysandar qatary artyp, ásirese mektepter qadamdyq qoljetimdilikte bolýy úshin tiisti jumystar atqarylyp keledi. (Bul úshin qazirdiń ózinde bar bilim berý nysandaryn salý jáne keńeitý qarqyndy júrip jatyr).
– «Aýyl – el besigi» baǵdarlamasy aiasynda Túpqaraǵan aýdanynda M. Gorkii atyndaǵy mektep-litseiine japsarlas salynǵan ǵimarat paidalanýǵa berildi. «Jaily mektep» ulttyq jobasy aiasynda oblysta 2025 jylǵa deiin 2 aýysymda 44 myń oryndyq 21 mektep salý josparlanǵan (2024 jyly – 13 mektep, 2025 jyly – 8 mektep). 13 mektep boiynsha merdiger uiymdarmen kelisimsharttar jasaldy, qurylys jumystary bastaldy, – dedi Nurlan Noǵaev.
Sondai-aq, áleýmettik infraqurylym áleýetin arttyrý salasynda avtomobil joldarynyń mańyzy asa zor, sapaly joldar – óńir ekonomikasynyń ózegi ekenin atap ótken jón.
«Aýyl – el besigi» baǵdarlamasynyń basty baǵdary 21 aýyldy qamtidy jáne biyl avtojoldardy salý jáne jóndeý jobalaryna qomaqty investitsiialardy tartý mańyzyn aiqyndai túsedi
– Biyl oryndalǵan jumystardyń qorytyndysy boiynsha jergilikti mańyzy bar avtomobil joldarynyń jai-kúiin 96%-ǵa deiin jaqsartý josparlanýda. Bul turǵyndar úshin qolaily jaǵdailardy qamtamasyz etýge jáne jalpy oblysty damytýǵa mańyzdy qadam bolmaq, – dedi Nurlan Noǵaev.
