Qazirgi kezde mektep basshylaryna eńbekaqy tóleý máselesi ótkir, biz muny jaqsy bilemiz. Jalaqynyń qazirgi deńgeiinde básekege qabiletti menedjerler mektepke basshy bolyp jumys isteýge qyzyǵýshylyq tanytpaidy.
Al jalpy alǵanda, eń úzdik muǵalimder zavých nemese mektep direktory bolýǵa múddeli emes. Muny bárimiz jaqsy bilemiz. Sondyqtan, árine, bul baǵytta ózgerister qajet, - dedi Aimaǵambetov.
Onyń aitýynsha, mektep direktorlarynyń jalaqysy muǵalimderge qaraǵanda tómen bolatyn jaǵdailar kóp, bul óz kezeginde ártúrli táýekelderdi týdyrady.
Sondyqtan, Bilim jáne ǵylym ministrligi bizdiń mektepterdiń direktorlaryna eńbekaqy tóleý júiesine ózgerister engizýdi josparlap otyr, onyń ishinde ártúrli uiymdar úshin syiaqyny differsifikatsiialaý da jatady.
Bul arada aitaiyn degenim, biz 40 balasy bar direktorǵa da, 1200-2000 balasy bar direktorǵa birdei jalaqy tólenetin jaǵdaiǵa nazar aýdartý.
Álbette, mundaida júkteme men jaýapkershilik dárejesi ártúrli bolady. Biz bul týraly másele kóterdik, ministrlik tiisti sheshim daiyndap jatyr, - dep túsindirdi Bilim jáne ǵylym ministri.
