قازىرگى كەزدە مەكتەپ باسشىلارىنا ەڭبەكاقى تولەۋ ماسەلەسى وتكىر، ءبىز مۇنى جاقسى بىلەمىز. جالاقىنىڭ قازىرگى دەڭگەيىندە باسەكەگە قابىلەتتى مەنەدجەرلەر مەكتەپكە باسشى بولىپ جۇمىس ىستەۋگە قىزىعۋشىلىق تانىتپايدى.
ال جالپى العاندا، ەڭ ۇزدىك مۇعالىمدەر زاۆۋچ نەمەسە مەكتەپ ديرەكتورى بولۋعا مۇددەلى ەمەس. مۇنى ءبارىمىز جاقسى بىلەمىز. سوندىقتان، ارينە، بۇل باعىتتا وزگەرىستەر قاجەت، - دەدى ايماعامبەتوۆ.
ونىڭ ايتۋىنشا، مەكتەپ ديرەكتورلارىنىڭ جالاقىسى مۇعالىمدەرگە قاراعاندا تومەن بولاتىن جاعدايلار كوپ، بۇل ءوز كەزەگىندە ءارتۇرلى تاۋەكەلدەردى تۋدىرادى.
سوندىقتان، ءبىلىم جانە عىلىم مينيسترلىگى ءبىزدىڭ مەكتەپتەردىڭ ديرەكتورلارىنا ەڭبەكاقى تولەۋ جۇيەسىنە وزگەرىستەر ەنگىزۋدى جوسپارلاپ وتىر، ونىڭ ىشىندە ءارتۇرلى ۇيىمدار ءۇشىن سىياقىنى ديففەرسيفيكاسيالاۋ دا جاتادى.
بۇل ارادا ايتايىن دەگەنىم، ءبىز 40 بالاسى بار ديرەكتورعا دا، 1200-2000 بالاسى بار ديرەكتورعا بىردەي جالاقى تولەنەتىن جاعدايعا نازار اۋدارتۋ.
البەتتە، مۇندايدا جۇكتەمە مەن جاۋاپكەرشىلىك دارەجەسى ءارتۇرلى بولادى. ءبىز بۇل تۋرالى ماسەلە كوتەردىك، مينيسترلىك ءتيىستى شەشىم دايىنداپ جاتىر، - دەپ ءتۇسىندىردى ءبىلىم جانە عىلىم ءمينيسترى.
