Atalǵan jaǵdaiǵa qatysty Almaty oblystyq Bilim basqarmasy málimdeme jasap, arnaiy jumys toby qurylǵanyn málim etti. Alaida, isti jasyrý úshin mektep direktory balanyń anasyna 200 myń teńge usynǵan.
Oqýshynyń ata-anasynyń aitýynsha, balasyna mekteptiń dárethanasynda álimjettik kórsetilgen. «Dáretin syndyryp, táttini soǵan malyp, balanyń aýzyna salǵan». Osy jaǵdaidan keiin oqýshy ózine qol jumsaýǵa bel býǵan. Ashy dárini ýystap iship, asqazanyn jaralap alǵan. Al balanyń anasy mektep direktorynyń osyndai masqarany jyly jaýyp, aqsha usynǵanyn ashyq aityp otyr.
«Mektep direktory 200 000 teńge beretinin aitty. Ótinishti alyp, mektepte eshnárse bolmaǵanyn aityp, «chatta keshirim sura» dedi», – deidi balanyń anasy Ásem Biǵalieva.
Talǵar aýdany bilim bóliminiń bastyǵy Ainagúl Úshkempirova «mektep direktory pedagogikalyq etikaǵa jat qylyq tanytqanyn», sol sebeptti direktorǵa óz erkimen jumystan ketýdi usynǵan. Alaida bilim ordasynyń basshysy Nazym Sársebaeva «dálel joq» dep miz baqpai otyrǵan kórinedi.
Tipti, ata-ana Almaty oblystyq bilim basqarmasynan kelgen mamandar aldymen jábirlenýshi tarappen emes, álimjettik kórsetti dep kúdikke ilingen oqýshylardyń ata-anasymen jabyq jiyn ótkizip, oǵan zardap shegýshi taraptyń shaqyrylmaǵanyn jetkizdi.
