اتالعان جاعدايعا قاتىستى الماتى وبلىستىق ءبىلىم باسقارماسى مالىمدەمە جاساپ، ارنايى جۇمىس توبى قۇرىلعانىن ءمالىم ەتتى. الايدا، ءىستى جاسىرۋ ءۇشىن مەكتەپ ديرەكتورى بالانىڭ اناسىنا 200 مىڭ تەڭگە ۇسىنعان.
وقۋشىنىڭ اتا-اناسىنىڭ ايتۋىنشا، بالاسىنا مەكتەپتىڭ دارەتحاناسىندا الىمجەتتىك كورسەتىلگەن. «دارەتىن سىندىرىپ، ءتاتتىنى سوعان مالىپ، بالانىڭ اۋزىنا سالعان». وسى جاعدايدان كەيىن وقۋشى وزىنە قول جۇمساۋعا بەل بۋعان. اششى ءدارىنى ۋىستاپ ءىشىپ، اسقازانىن جارالاپ العان. ال بالانىڭ اناسى مەكتەپ ديرەكتورىنىڭ وسىنداي ماسقارانى جىلى جاۋىپ، اقشا ۇسىنعانىن اشىق ايتىپ وتىر.
«مەكتەپ ديرەكتورى 200 000 تەڭگە بەرەتىنىن ايتتى. ءوتىنىشتى الىپ، مەكتەپتە ەشنارسە بولماعانىن ايتىپ، «چاتتا كەشىرىم سۇرا» دەدى»، – دەيدى بالانىڭ اناسى اسەم بيعالييەۆا.
تالعار اۋدانى ءبىلىم ءبولىمىنىڭ باستىعى ايناگۇل ۇشكەمپىروۆا «مەكتەپ ديرەكتورى پەداگوگيكالىق ەتيكاعا جات قىلىق تانىتقانىن»، سول سەبەپتتى ديرەكتورعا ءوز ەركىمەن جۇمىستان كەتۋدى ۇسىنعان. الايدا ءبىلىم ورداسىنىڭ باسشىسى نازىم سارسەبايەۆا «دالەل جوق» دەپ ءمىز باقپاي وتىرعان كورىنەدى.
ءتىپتى، اتا-انا الماتى وبلىستىق ءبىلىم باسقارماسىنان كەلگەن ماماندار الدىمەن جابىرلەنۋشى تاراپپەن ەمەس، الىمجەتتىك كورسەتتى دەپ كۇدىككە ىلىنگەن وقۋشىلاردىڭ اتا-اناسىمەن جابىق جيىن وتكىزىپ، وعان زارداپ شەگۋشى تاراپتىڭ شاقىرىلماعانىن جەتكىزدى.
