Telegram-daǵy kerekpv arnasynyń málimetinshe, Serik Batyrǵujinov Maiqaiyńnan Pavlodarǵa bara jatqan. Ol «Maiqaiyń-altyn» AQ kenishinde bolǵan qaiǵyly jaǵdaidyń sebebin tergeý jónindegi komissiia quramynda bolǵan. Oblys ákiminiń birinshi orynbasary otyrǵan kólik taiǵanap, joldyń shetine shyǵyp ketken. Sonyń saldarynan aýdarylyp qalǵan.
Júrgizýshi zardap shekpegen, alaida Serik Batyrǵujinov jaraqat alǵan. Sheneýnikke meditsinalyq kómek kerek bolǵan. Bul aqparatty Pavlodar oblysy ákimdiginiń baspasóz qyzmeti rastady.
Basqa avtokólikter kólik apatyna túspedi. Oqys oqiǵadan eshkim zardap shekken joq. Ákimniń birinshi orynbasary qyzmettik kólikte júrgizýshisimen kele jatqanda avtomobil joldyń shetine ushyp ketti. Serik Batyrǵojinov azdap jaraqat alǵan, jaǵdaiy turaqty, – dep jazylǵan habarlamada.
Aitak keteiik, Serik Batyrǵujinov bul qyzmetke 2023 jylǵy qańtarda taǵaiyndalǵan. Buǵan deiin Pavlodar oblysynda qutqarýshylar otyrǵan avtobýstyń kenishke qulap ketkeni habarlanǵan edi. Sodan keiin 2 qutqarýshynyń denesi tabyldy. Qalǵan 2 adam áli izdestirilip jatyr.
Sondai-aq Maiqaiyń shahtasynda apatqa ushyraǵandardyń otbasylaryna 4,5 mln teńgeden tólenetini belgili boldy. Politsiia qaiǵyly jaǵdai boiynsha qylmystyq is qozǵady.
