Telegram-داعى kerekpv ارناسىنىڭ مالىمەتىنشە، سەرىك باتىرعۇجينوۆ مايقايىڭنان پاۆلودارعا بارا جاتقان. ول «مايقايىڭ-التىن» اق كەنىشىندە بولعان قايعىلى جاعدايدىڭ سەبەبىن تەرگەۋ جونىندەگى كوميسسيا قۇرامىندا بولعان. وبلىس اكىمىنىڭ ءبىرىنشى ورىنباسارى وتىرعان كولىك تايعاناپ، جولدىڭ شەتىنە شىعىپ كەتكەن. سونىڭ سالدارىنان اۋدارىلىپ قالعان.
جۇرگىزۋشى زارداپ شەكپەگەن، الايدا سەرىك باتىرعۇجينوۆ جاراقات العان. شەنەۋنىككە مەديسينالىق كومەك كەرەك بولعان. بۇل اقپاراتتى پاۆلودار وبلىسى اكىمدىگىنىڭ باسپا ءسوز قىزمەتى راستادى.
باسقا اۆتوكولىكتەر كولىك اپاتىنا تۇسپەدى. وقىس وقيعادان ەشكىم زارداپ شەككەن جوق. اكىمنىڭ ءبىرىنشى ورىنباسارى قىزمەتتىك كولىكتە جۇرگىزۋشىسىمەن كەلە جاتقاندا اۆتوموبيل جولدىڭ شەتىنە ۇشىپ كەتتى. سەرىك باتىرعوجينوۆ ازداپ جاراقات العان، جاعدايى تۇراقتى، – دەپ جازىلعان حابارلامادا.
ايتاك كەتەيىك، سەرىك باتىرعۇجينوۆ بۇل قىزمەتكە 2023 جىلعى قاڭتاردا تاعايىندالعان. بۇعان دەيىن پاۆلودار وبلىسىندا قۇتقارۋشىلار وتىرعان اۆتوبۋستىڭ كەنىشكە قۇلاپ كەتكەنى حابارلانعان ەدى. سودان كەيىن 2 قۇتقارۋشىنىڭ دەنەسى تابىلدى. قالعان 2 ادام ءالى ىزدەستىرىلىپ جاتىر.
سونداي-اق مايقايىڭ شاحتاسىندا اپاتقا ۇشىراعانداردىڭ وتباسىلارىنا 4،5 ملن تەڭگەدەن تولەنەتىنى بەلگىلى بولدى. پوليسيا قايعىلى جاعداي بويىنشا قىلمىستىق ءىس قوزعادى.
