Maiqaiyńda qaza tapqan tórt qutqarýshynyń otbasy jumys berýshini sotqa berip, 120 mln teńge óndirip aldy, - dep habarlaidy Dalanews.kz.
Biyl 4 qańtarda «Maiqaiyń altyn» AQ aýmaǵyndaǵy boljamdy órt ornyna tehnologiialyq jolmen kele jatqanda úsh qutqarýshy men júrgizýshisi bar avtobýs shuńqyrǵa qulap ketken bolatyn. Qaza tapqandar - «Kásibi áskerilendirilgen avariialyq-qutqarý qyzmetteriniń respýblikalyq ortalyq shtaby» JShS-niń qyzmetkerleri.
Osy fakti boiynsha quramynda Qazaqstan Respýblikasy Tótenshe jaǵdailar ministrligi, Pavlodar oblysynyń ákimdigi, memlekettik eńbek inspektory, «Maiqaiyń altyn» AQ, «Kásibi áskerilendirilgen avariialyq-qutqarý qyzmetteriniń respýblikalyq ortalyq shtaby» JShS-nen quralǵan komissiia jazataiym oqiǵaǵa tekserý júrgizip, onyń qorytyndysy boiynsha jumys berýshiniń kinási - 100 paiyz ekeni, al qutqarýshylar kináli emes ekeni anyqtaldy.
Qaitys bolǵan qutqarýshynyń anasy, qyzy, uly jáne ápkesi qyzmettik mindetterin atqarý kezinde onyń qaitys bolýyna bailanysty moraldyq ziiandy óteý týraly sotqa júgingen.
Moraldyq ziian olardyń moraldyq azap shegýinen, ulynan, ákesinen, aǵasynan aiyrylýynyń aýyrlyǵynan, jerleý kezinde onymen qoshtasýǵa múmkindik bolmaýynan, jumys berýshiniń kóńil aityp, qoldaý kórsetpeýinen bolyp otyr.
Sot bolǵan jazataiym oqiǵaǵa jumys berýshiniń 100 paiyz kinásin negizge ala otyryp, qaitys bolǵan qutqarýshynyń týystarynyń talaptaryn tolyq kólemde qanaǵattandyryp, árbir týysynyń paidasyna qoiylǵan talap kóleminde 30 000 000 teńgeden, jalpy somasy 120 million teńge moraldyq ziiandy óndirdi.
Sheshim zańdy kúshine engen joq.
