Maiqaiyńda eki qutqarýshy áli de tabylmai jatyr. Áleýmettik jelide qutqarýshy Aidos Shaimerdenniń áieli úndeý jasady, - dep habarlaidy Dalanews.kz.
Onyń sózinshe, izdestirý-qutqarý jumystary júrgizilgen bir ai ishinde oqiǵa ornynda jeke menshik qutqarý qyzmetteri ǵana jumys atqarǵan.
"Bálkim alǵashqy kúni denesi tabylǵan eki qutqarýshy sekildi ekeýiniń de denesi shuńqyrdyń bir buryshynda, topyraq astynda jatqan shyǵar. Biz solai ekenine senimdimiz. Temir-tersek avtobýsty izdep qaitedi?! Odan da adamdardy izdesin. Izdestirý kezinde basqa qutqarýshylarǵa tóngen qaýip baryn túsinemiz. Alaida osylai orta joldan qaldyrý adamgershilikke jatpaidy ǵoi. Jumystardy toqtatýǵa bolmaidy. Barlyq qaýipsizdik sharasyn saqtai otyryp jalǵastyrý qajet dep esepteimin", - deidi qutqarshynyń áieli.
Ol jaýapty organdarǵa birneshe talap qoidy.
"Birinshiden, eki adamdy izdestirý jumystaryn toqtatpasyn. Ekinshiden, avtobýs qulaǵan tustan joǵalǵandardyń denesi jatýy múmkin jerlerdi teksersin. Úshinshi, kinologiialyq qyzmetti qaitadan tartsyn. Tórtinshiden, elimizdiń basqa aimaqtarynan nemese Resei elinen tájiribeli mamandardy aldyrtsyn", - deidi ol.
Aita keteiik, oqiǵa 4 qańtarda saǵat 01:25 shamasynda Baianaýyl aýdanyndaǵy "Maiqaiyń altyn" AQ aýmaǵynda boldy. Bul kezde avtobýs shuńqyrǵa túsip ketti. Keiin eki adam óli tabyldy.
