Adamdar otyrǵan avtobýs shahtaǵa qulap ketken "Maıqaıyńaltyn" aýmaǵyndaǵy apat saldarynan bolǵan toptyq jazataıym oqıǵany tergeý jónindegi komısıa nátıjesin shyǵardy, - dep habarlaıdy Dalanews.kz tilshisi.

Komısıa keńistikke taý-ken massasynyń qulaýy saldarynan bolǵan toptyq jazataıym oqıǵanyń sebepterin anyqtaǵan.

• jumys óndirisin qanaǵattanarlyqsyz uıymdastyrý;


• "Maıqaıyńaltyn" AQ jaýapty tulǵalary tarapynan taý-ken jumystarynyń qaýipsiz júrgizilýine óndiristik baqylaý tıisti túrde júzege asyrylmaǵan;


• bloktardy óńdeý kezinde qazbalardan qulaý prosesin baqylaý tıisinshe júzege asyrylmaǵan.

Kásiporyn qyzmetiniń nátıjesinde paıda bolǵan bos oryndarǵa tıisti baqylaý júrgizilmegeni, olardy májbúrlep qulatý júrgizilmegeni, keıinnen jobalyq qujattamaǵa sáıkes ázirlengen tazartý keńistiginiń bos oryndary toltyrylmaǵany anyqtaldy.

Komısıa 7 jaýapty adamdy anyqtady, olardyń áreketteri saldarynan toptyq jazataıym oqıǵa bolǵan.

Sýret: TJM baspasóz qyzmetinen