"Ádil sóz" halyqaralyq sóz bostandyǵyn qorǵaý uiymy men halyqaralyq qazaq PEN-klýby Qazaqstan prezidenti Nursultan Nazarbaevtan Qazaqstan jýrnalister odaǵynyń tóraǵasy, Ulttyq baspasóz klýbynyń basshysy Seiitqazy Mataevtyń isine nazar aýdarýǵa shaqyrdy.
"Ádil sóz" jetekshisi Tamara Kaleeva men PEN-klýb jetekshisi Bigeldi Ǵabdýllin birlese jasaǵan úndeýde Mataevtyń prezidenttiń burynǵy baspasóz hatshysy ekenin eske salyp, Mataevtyń ózin "qýdalaý sebepteri týraly aitqanyna senbeýge negiz joǵyn" málimdeidi
Seiitqazy Mataevty keshe Almatyda ulttyq korrýptsiiaǵa qarsy is-qimyl biýrosynyń Almaty qalasy boiynsha departamenti "biýdjet qarjysyn jymqyrdy" jáne "salyq tóleýden jaltardy" degen kúdikpen ustaǵan. Onymen birge ustalǵan uly, QazTAG aqparat agenttiginiń basshysy Áset Mataev birer saǵattan soń bosatylǵan. QazTAG agenttigi keshe taratqan Seiitqazy Mataevtyń málimdemesinde qylmystyq qýdalaýǵa Almatydaǵy Ulttyq baspasóz klýby men QazTAG ornalasqan ǵimaratty alý áreketi sebep bolǵany aitylady.
"Bizde prezidenttiń burynǵy baspasóz hatshysynyń sózine senbeýge negiz joq. Ókinishke orai, quqyq qorǵaý organdarynyń is-áreketine senbeýge salmaqty sebepter bar. Sońǵy jyldary olar ósek-aiańdar paida bolýyna kóptegen sebepter týdyryp, azamattardyń ádildikke, zań men memleketke degen senimin buzdy" deidi úndeý Kaleeva men Ǵabdýllin.
Seiitqazy Mataev 1991-1993 jyldary Qazaqstan prezidentiniń baspasóz hatshysy bolǵan.
