Memleket basshysynyń tapsyrmasymen Almatyda Mass Alert TJ týraly jedel qulaqtandyrý júiesin iske qosý jobasy júzege asyrylady, dep habarlaidy Dalanews.kz.
Birinshi kezeńde – 31 mamyrdan bastap júie Android qurylǵylaryn paidalanýshylar úshin iske qosylady.
Erteń saǵat 12:00-de Android mobildi qurylǵylardy paidalanýshylarǵa qazaq, orys jáne aǵylshyn tilinde «Alańdamańyzdar. Halyqty habardar etý júiesine tekserý júrgizilýde. Ne bespokoites. Provoditsia proverka sistemy opovesheniia naseleniia.
Remain calm. The public alert system is being tested», - degen habarlama kelip túsedi.
Ekinshi kezeńde iOS qurylǵysynyń paidalanýshylary júiege qosylady.
Mass Alert júiesiniń SMS-ke qaraǵanda birqatar artyqshylyǵy bar. Habarlama mobildi operator jelisine qosylǵan, sondai-aq jeke tańdalǵan geografiialyq aimaqtaǵy barlyq abonentke keledi. Sonymen qatar, júie jelilerdiń shamadan tys júktelý jaǵdaiynda jumys isteidi. Cell Broadcast tehnologiiasynyń basty artyqshylyǵy, qamtý aimaǵyndaǵy barlyq abonentti birden ári jappai eskertýde.
Sondai-aq, Mass Alert-ti Almaty TJD jer silkinisi týraly erte qulaqtandyrýdyń avtomatty júiesimen biriktirý josparlanǵan.
