Qazaqstanda barlyq deńgeidegi máslihat depýtattyǵyna kandidattardy usyný 27 qazanda saǵat 18:00-de aiaqtaldy. Endi kandidattar men partiialyq tizimderdi tirkeý kezeńi bastaldy. Ol 1 qarashada saǵat 18:00-de aiaqtalady, dep habarlaidy dalanews.kz.
Ortalyq sailaý komissiiasynyń josparyna sáikes kandidattardy usyný jáne óz-ózin usyný 14 qazanda bastalyp, 27 qazanda saǵat 18:00-de aiaqtaldy.
1 qarashada saǵat 18:00-ge deiin sailaý komissiialary partiialyq tizimderdi jáne birmandatty aýmaqtyq sailaý okrýgteri boiynsha usynylǵan kandidattardy tirkeýi kerek.
Sailaýaldy úgit 1 qarashada bastalyp, 28 qarashada saǵat 00:00-de aiaqtalady. 28 qarasha - tynyshtyq kúni. Bul kúni sailaýaldy úgit júrgizýge tyiym salynady.
Daýys berý 29 qarashada saǵat 07:00-den 20:00-ge deiin ótedi. Zańda kózdelgen jaǵdailarda aýmaqtyq sailaý komissiialary daýys berý bastalatyn jáne aiaqtalatyn ýaqytty ózgerte alady. Sailaý qorytyndysy bes kún ishinde shyǵarylýy kerek.
Ortalyq sailaý komissiiasy tóraǵasynyń orynbasary Muhtar Ermannyń málimetinshe, máslihatqa barlyǵy 3 447 depýtat sailanady.
